Isayas 47:10 - Fanawbuid tagsibaliwas Fakayabian

¹⁰ Ay gafanud o te, we faurianan takadasug sa emu dewa o gfakamulun at mauri, aroro gamatangan o te, we glag emu. Am ngay fagsafulun ay am fagmamatanganun nafalyam emu, ay kanya wan am fagnalongun te, ‘We gfasud angku.’

Isayas 47:10 ပူးပေါင်းရင်းမြစ်များ

Alubad. 10:11

Kanya fagayu gamatangan way te, “Dius wa kasalag ay wa glag tam ngay fakamulun.”

Alubad. 52:7

“Damai, kafag taw at yud gafanud sas Dius laman at tagbalabag. Abat ngate, kanya gseg way sat ngay ramraman laman kalangfe, ay aroro mangaro gfamut way at fagmabitsugun siginan nu gfamin at iba.”

Alubad. 64:5

Kanya fag ngay taw mauri gfadfaksvnan at amatanganan sa nu namakamulun at mauri. Ay gkamatoan te, “Inda ro nu gfasangdawan tam?” Ay glong te, “We glag antam.”

Takamoyung 8:8

Nu setain taw nu yud mafaragang tagmara, wa yangay mafaragang nu kabul. Kata nu sis awayan, kanya wa makafoli ya. Ay at fagmauriun wa mafalangfe anya siginans fakabulun.

Isayas 28:15

Aroro kamatungudun wayam ay glong te, “E nasadian wami sas fakabulun te, ‘Lag gfabul emi,’ ay e nasadian yangay ami sat ngay kinbul at talun te, ‘Lag gtaban emi sanya.’ Nu katanya, wa ban mi e fagafanawaun dewa umdasug nusnge wain fag faurianan kata sik lugwak, aroro gseg wami em fakamuaganun ay em fagfandayaun te, kanya mafalangfe emi.”

Isayas 29:15

Afanyuan am tagsuksuk ay ngay algan sas Yawi. Nu gfakamulun am ay fakamulun si way sad fagmadulumun ay glong am te, “Wa ngap e glag ay we gsaful tam fakamulun.”

Isayas 44:20

Ngay taw takawat takatanya, kata way nu kon dafug. At fagyudun mamatanganan at nafalyam anya, ay takatanya, wa mafafalangfe at sadili. Ay wa kaylat glong te, ‘Ku nawat fag fagsegan bunwa sik dius.’ ”

Isayas 47:8

Dungugani, sik tagfangaylat o sam sadili fakaylatun, ay nu gamatangan o, we kadasug sa emu at mauri. Ay nalong yay o sam sadili te, we gfasud angku. Ay nu gamatangan o, wo umsik fagbubayun, ay di mbul am ngay sisian.

Isayas 5:21

Ida, afanyuan am! Am takamanagsag te, “E fagsafulun au!”

Isayas 59:4

Wam gamatangan ya fagmatuyanun; kamuagan am sa ay iba. Mauri way ay ngay amatanganan anggan ay ngay fakamulun.

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Eremyas 9:23

At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Esekyel 8:12

Ay Dius nalong angku te, “Taw at baguama, o nalag o kafag ngay tagfangguna at nafakamulun? Galay at sadi sit mesa fagsegan, ay glong te, Yawi wa glag antam ay natalyuyan wan tam talun Israel.”

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Sefanias 2:15

Katanya ban takafasludan sas furuan Ninibe, aroro kanya fagayu glong te, ‘We manamawayan emi ay we mafasud emi.’ Dewa katanya, kanya fag furuan umrasras wan, ay tagbanwan ban sanya, tagfangagat way lang fag ngay mela. Ay nusnga sinu ban tagdalan sanya gfalingun ay kase kafag furuan.”

Ruma 1:22

Kafag ngay taw glong te, “E fagsafulun ami.” Dewa katanya, kanya fagayu wa mamatanganan.

1 Kurintu 3:19

Aroro nu sas Dius at daga salubangan, we tungkul tagste swa daga fag fagmamatanganun, kata at Rirukan te, “Dius ban gyukfu at mamatanganan fag ngay taw gina gfandaya.”