Isayas 45:9 - Fanawbuid tagsibaliwas Fakayabian

⁹ Afanyuan sik taw tagfabadbaboan at nawat anya fag Dius. Kafag taw kata way sik tikung. O sik lifak mafalong sa takawat anya te, ‘Wain fakatanyaun am nawat?’ O ay nunda mafalong sabaliwa takawat anya te, ‘Kanya wa saful kawat’?

Isayas 45:9 ပူးပေါင်းရင်းမြစ်များ

Ub 10:9

Amatangani, nawat o angku siginans lutuk, o ay katsi namafoli wo angku sasad lutuk?

Ub 33:13

Wain am fagnalongun te, kanya wa gbalus taw at fagetun?

Ub 40:2

“O namabadbaboan yay o angku, at mabalyanan fag Dius? Glong o te, nasalan au. Katsi balusi angku.”

Ub 9:12

Kanya nu e fakaylatun gbul we masalag anya. Nu katanya, sinu yaro at mafamayud sat ngay nafakamulun.

Ub 9:4

Dius e fagsafulun ay e fagmabalyananun. Sinu yaro at mafawayan ay siwa anya fagmababoun?

Fangatulun 21:30

We mafasud Yawi at fagsafulun ay at fagmamatanganun.

Takamoyung 6:10

Fagayu takadasug sas fagdaul daga ay sa sik taw, siginan ebi mafalganan wan. Nu katanya, we tungkul tam nafabadbaboan Dius, aroro kanya gtungud tua antam nu mabalyanan.

Isayas 10:15

Ay wain? O sik wase ay sik lagari e fagmabalyananun gtungud tagbilug? Ay o sik famalang maurug way tagbitbitan anya?

Isayas 29:16

Ay amatanganan mabilingan way. O sik takawat bisu katap te, sik lutuk? O sik bisu mafalong way sat nawat anya te, “Bunwa o at nawat angku?” O sik bisu mafalong way sat nawat anya te, “Wo e nasafulan?”

Isayas 45:10

Sik sisian wa malong sat mina te, ‘Ida, nataw ro am fagnafasalugun angku?’ ”

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Isayas 64:8

Dewa katanya, Yawi, o tua gugat em Mama. Kata o sik takawat tikung, ay ami kata ami at fangawat fag lifak. O at nawat emi fagayu.

Eremyas 18:6

“Am fag ngay taw Israel, o nunda ro kwa mafafakamulun sa ayu kata sik takawat tikung at fangawat lifak? Nu setain kanya fag lifak nu si takawat tikung at daluap, am si yangay am ku daluap.

Eremyas 36:29

Sanya ginan, nanlong o sas fun te, ‘Katatuy ku longan: Nairug o kafag rirukan, aroro marirukan sanya te, talun Babilunya ban at fun nanrasras wan tuy fag talun, ay gfabul ban iste fag ngay taw ay fag ngay fagbaugun.

Eremyas 50:24

“Talun Babilunya, ankiktan o sa ku naton fag litag laman sa emu. Nagamatan o aroro sam fakamatungudunun.

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

1 Kurintu 10:22

O kaylat tam gfauri Dius? O nu gamatangan am amabalyanan yap tam anya?