Isayas 45:8 - Fanawbuid tagsibaliwas Fakayabian

⁸ Namae fagmatuyanun au fagayu taw, kata banwa ay linyabu nu gfae arak. Nu katanya, fakalangfean ay fagmatuyanun umrapyag sas fagdaul daga kata sik ngay tanum nu gtugbung. Au Yawi at nafakamulun takatanya.

Isayas 45:8 ပူးပေါင်းရင်းမြစ်များ

2 Fun 19:25

Anud, narasras o ngay furuan ayu daul at ke ngay dingding alad. O nunda yo nasaful te, glugo wan nu e algan au takatanya? Siginan yay ebi anke algan kwan, ay katsi nafafasludan kwan.

Alubad. 68:8

Daga nauigan ay narak sis Buksul Sinay sim daga salubangan: Ay Israel at Dius ansure sanya.

Alubad. 72:3

Ay umkayu nangus at ngay fananumun at rawvg tagsi sangay buksul, ay anggan nangus at ngay taw umke fagmanabayanun aroro at fun matuyan tua.

Alubad. 72:6

Kanya nangus fag fun kata arak tagfarugme ngay tanum ay daga.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 32:15

Umfasludan wa fia takatanya yakmay ban umdasug at Masine fag Falad siginans banwa. Nu katanya, sanya ban fag talun umsik masine tua fag daga ay umsik araw.

Isayas 4:2

Dewa katanya, ginanya ban fag buknga, Yawi gdog yay namasine ay namarabung fagayu fananumun sis Israel, ay at ngay gutluan ban gfae fagusegananun ay gfae fagfanagsagun sat kinsawad fag ngay taw Israel.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 53:2

Yawi at fagsuguan tagfaning anya kaksvn tua kata sik tanum at bagu gtugbung ay taglalid tua dewa sat matat fag daga. Kanya wa masine ya ay we famaylatan ya laman kakbang tam anya.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 61:11

Aroro nu setain ngay fananum nu gtugbung sis daga, katanya yangay Yawi tam Fun nu gfasure fagmasineun ay famauseganan sas fagayu talun.

Isayas 66:22

“Nu setain at bagu fag banwa ay fag daga ku fagnangawatun ban nu yud e fakatabuan, am ngay kasugfunanan ban wa yangay e fakatabuan, ay gamatang ktua ban gugat ayu kabavn.

Eremyas 31:22

Ku ngay sisian at nalyam, ginain yaban nu kafoli am sa angku? E fagnamakamulunun kban at yud yay batang e nfasludan ste swa daga: mangena tua ban tagbalabag sik mangama.”

Esekyel 34:26

Gfon kban nusnga setaw sa anya fagayu, ay namadasug kban arak sa ku nafili fag buksul ay sat ligung fag ngay talun sit kasakan fag buknga. Kanya ban sik ngay famonun sa anya fagayu.

Usea 10:12

Glong au ayu te, falukmei wan ay ngay amatanganan kata sik naali fag lutuk. Ay tanumi fagmatuyanun ay gumutlu ban am fakesugun. Aroro buknga wan nu kafoli am sa angku yakmay kban andasug, ay namakamulun au sa ayu at matuyan.

Uel 3:18

Ginanya ban fag buknga, umramraman am. Ay umkapnu ban sa ay ngay fagsuadan ngay fanlangu siginans wat ubas. Ay umkayu yangay ban ay ngay baka ay ngay kambing sa sangay fagnamafangonan. Ay ay ngay liskung ban di kalanggang. Ay e gbulbugan ban siginans Yawi at bale ay nanfamilugan sa sangay fun akasya fag datag.

Fakamulun 2:33

Ay Isus nu siwas banwa, namalunggung sis Dius at siun baliwa, ay kanya nagbilug at Mama at nafatuyanan sa anya at Masine fag Falad. Ay Isus nafon yangay sa emi at Masine fag Falad kata ay nalag ay ay nadungug katsi.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Efesu 4:24

ay fagfasiun ayu at bagu tua fag taw at kinkawat takata Dius, laman ay ugali matuyan tua ay di e malong.