Isayas 45:7 - Fanawbuid tagsibaliwas Fakayabian

⁷ Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.

Isayas 45:7 ပူးပေါင်းရင်းမြစ်များ

2 Fun 19:25

Anud, narasras o ngay furuan ayu daul at ke ngay dingding alad. O nunda yo nasaful te, glugo wan nu e algan au takatanya? Siginan yay ebi anke algan kwan, ay katsi nafafasludan kwan.

Ub 10:13

Dewa katanya, nasaful kwan am algan fia sa angku.

Ub 2:10

Ay Ub gbalus te, “Am ngay longan kata way sik mauri fag mangena at ngay longan. O nunda ban at masine way lang fagayu tam fakaylatun siginans Dius, o ay nunda ban bunwa anggan tua fagidapun?” Ub dewa nadalan takatanya fagayu, kanya di nasalanan ay di nafayud Dius.

Ub 34:29

Dewa katanya, Dius dewa maragangan ay gsuksuan ginanya fag buknga, we taw malong te, kanya nasalan. At matuyan, Dius gulit tua gugat fagayu taw,

Alubad. 105:28

Dius nafadulum sis talun Igiptu, dewa katanya, ngay taw Igiptu wa nafaning Dius at ngay foyungan.

Alubad. 29:11

Yawi gfon fagmabitsugun sat ngay taw ay gfon yangay fagmanabayanun.

Alubad. 74:16

O wan at nawat menit ay yabi, ay at nafoli sit mesa fagmafolianan.

Alubad. 75:7

nu bunway siginan tuas Dius. Aroro sia tua tagsaful, nusnga sinu tagababawan ay tagbabo.

Alubad. 8:3

Nu natangda au sas banwa, nalag au magdanun ay ngay galeme, kanya fagayu sit mesa fagtungkudan.

Nu Galin 14:20

Ay kafag turuk linyabu anragang si sangay taw Israel ay si sangay taw Igiptu at wabilug. Fagngabak yabi kafag turuk linyabu gfon yamag sa sangay taw Israel ay gfon fagmadulumun sa sangay taw Igiptu. Ay kadugenya ngay taw Igiptu wa manangakbang ya ngay taw Israel.

Isayas 31:2

Anggan Yawi e fagsafulun yangay, ay kanya tagfae faurianan, ay gfafasludan wa fia at nalong. Namaurianan wa fia tagfaning mauri at talanan, ay anggan taggubuk kafag talanan.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 47:11

Nu katanya, faurianan umdasug sa emu, ay wo saful te, setain nu gagbilug o am fangabalo laman masaruy o faurianan. Ay umdasug sa emu sik faurianan ay wo mabayad laman wa kataglayun. Sik faurianan masakit nu kadasug sa emu gina o yud mafalganan.

Eremyas 10:16

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Eremyas 13:16

Fauseganani ay Dius Yawi kaduge yud nafadasug fagmadulumun, ay gina am yud anlub sat madulum fag ngay buksul. Kanya ban namasik maksvn fag fagmadulumun ay fagsegun fag mayamag.

Eremyas 31:35

Au, Yawi tagsugu menit laman gyamag fagngabak menit, ay au wan tagsugu magdanun ay ngay galeme laman gyamag fagngabak yabi. Ay au yangay tagfauigan dagat ay tagfafawas ngay lugwak. Au, Yawi at Mabalyanan, taglong tuy.

Eremyas 51:20

Yawi nalong te, “O wan ku famalang, ku famawayan sas fagawayanan. Siginan emu, nanrasras au ngay talun ay fagfagtainanan,

Takabalu 3:38

Tiba Tungud fag Dius at ke algan fagayu takafasludan, at masine ay at mauri.

Esekyel 32:8

Gfadulum kban fagayu tagyamag sis banwa. Nu katanya, umdulum ban sas fagdaul daga. Au, Yawi, taglong tuy.

Daniel 2:22

Kanya wan tagfayamag at ngay masuksukan ay at maidap. Siwa anya famayamag ay nasaful nusnge wain tagsisad dulum.

Uel 2:2

Ginanya ban fag menit, glinyabu ay madulum. Ngay liung ban kadasug ay nangarapyag sa sangay buksul gina gakamenitun. Ya batang e nfasludan takaksvn nya ay wa ban umfasludan ya takatanya kabavn.

Amus 3:6

O nunda ngay taw wa gtadtaruyan kalimu galay e nauyup budyung laman famasaful te, e fawayan takadasug? O nunda sik furuan daul nangafaurianan, Yawi nu dway nasugu?

Amus 4:13

Dius wan at nawat ngay fungsu ay tagmara, ay kanya yangay tagfae menit ay tagfae yabi. Kanya gfasaful sa sangay taw at ngay algan ay gfagtainan sas fagdaul daga. At ngayan Yawi, at Mabalyanan fag Dius.

Amus 5:6

Use at ngay kasugfunanan, akbangi sa angku, laman ban gleleg tuam. Ay wayam kakbang, namamin kban ayu kata sik afuy nu girug. Nu katanya, umkamin ban furuan Betel at ngay taw ay we mafaragang ya.

Naum 1:8

Ay kanya kata sik lugwak masakit kadasug laman namamin at ngay fawayan, ay gfafalo yakmay kanya fagayu anbul.

Fakamulun 4:28

Ay kanya fagayu nafakamulun kata am algan siginan am fagmabalyananun sabaliwa takadasug ban.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

Udas 1:13

Kanya fagayu kata at kinramsaw fag burak siginans dagat nu glugwak, ay kata way sik galeme at malyaman, ay at mafalganan wan sat yud e fakatabuan fag fagmadulumun.

Udas 1:6

Ay amatangani yangay ngay tagbarita at naubun at ugali ay at fagbanwanan. Dius nasiuk takatanya fag ngay tagbarita ay naubung sasad fagmadulumun yakmay ban andasug fanginsafulan asalanan fag menit.