Isayas 45:5 - Fanawbuid tagsibaliwas Fakayabian

⁵ Au wan Yawi, we tiba yak dius sas day angku. Nafabitsug au emu gina o yud natoglag angku,

Isayas 45:5 ပူးပေါင်းရင်းမြစ်များ

1 Fun 8:60

Nu katanya, fagayu ban gaban taw sas fagdaul daga sumaful te, we tibak Dius sas day Yawi.

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Ub 12:18

Kanya gaiyan ngay fun siginan at mesa faglunggungan, ay gfafagsuguan sa tibak fun.

Ub 12:21

Kanya gfauri ngay fun, ay gbul ngay taw at mabalyanan at fagmakatuun.

Alubad. 18:31

Yawi, o wan at matuyan fag Dius, ay we tiba ya. Ay o way lang ku fagsarigan fag gang.

Alubad. 18:32

Dius gfon angku ku fagmabitsugun, ay gdiri angku sa ku ngaba dalan.

Alubad. 18:33

Ay kanya nafagaras ku darafa, kata sik arasyo at darafa nu magaras, laman maundaud au dewa sat matubi fag dalan.

Alubad. 18:39

Nafon o angku fagmabitsugun laman gfawayan au, nu katanya, nababo ktua ku ngay fawayan.

Alubad. 86:10

aroro o way lang Dius; am fagmabalyananun ay am ngay nafakamulun maksvn nu madulo.

Nu Galin 9:14

Aroro nu dway ro wo nafalao anya fagayu, namadasug au sa emu sik maksvn fag faurianan at namaurianan emu ay am ngay tagfakamulun ay anggan am ngay taw. Ay sumaful ro wo te, we gfasud angku sas fagdaul daga.

Isayas 22:21

Ay namasulun au sa anya am lanbung anggan am ginawang, ay namon kwan sa anya am fagmabalyananun. Kanya ban ngay taw Erusalem ay taw Uda at mama.

Isayas 37:20

Nu katanya, Yawi em Dius, falangfei emi siginan Asirya at daluap, laman fagdaul daga at ngay taw sumaful te, o way lang Dius.”

Isayas 43:10

Ngay taw Israel, am wan ku tagfatuyan. Nafili au ayu laman ku ngay fagsuguan, laman sumaful am angku ay gafanud tuam sa angku, ay anggan sumaful am te, au wan Yawi. We dius at naguna angku, ay wa ban e dius ya tagguyan angku.

Isayas 44:6

Yawi wan Israel at Fun ay at Tagfalangfe. Yawi at Mabalyanan nalong te, “Au wan fagsigadan ay fakatabuan. We tibak dius sas day angku.

Isayas 44:8

Lag kalimu ay lag gafanawa. O nunda ebi kya nafasaful sa ayu ku algan? Am wan ku ngay tagfatuyan. O nunda e tibak dius tagsaman angku? Duan! Kwe fagsafulun tibak gang fagsarirungan tagsaman angku.

Isayas 45:1

Katatuy Yawi at longan sas Sirus, sat nafili ay sat nafae fagmabalyananun fag fun. “Namagbilug au sa emu ngay talun at ngay taw, ay namababawan au sa emu ngay fun, ay nanggubuk au emu nanluang ngay furuan at ngay sakbawan ay we madingding.

Isayas 45:6

laman fagayu taw sas fagdaul daga sumaful te, sas day angku, we tiba yak dius. Au wan Yawi, ay we tiba ya.

Isayas 46:9

Amatangi tua gugat te, au wan Dius, ay we tiba ya.

Isayas 47:8

Dungugani, sik tagfangaylat o sam sadili fakaylatun, ay nu gamatangan o, we kadasug sa emu at mauri. Ay nalong yay o sam sadili te, we gfasud angku. Ay nu gamatangan o, wo umsik fagbubayun, ay di mbul am ngay sisian.

Esekyel 30:24

Namabitsug kban Babilunya at fun at ngay take ay namon kban sa anya ku fiso. Dewa katanya, nanggatvng kban Igiptu at fun at ngay take, ay kanya ban guro gfandeng aroro anke fakarukan ay ankata nu gakabulun wan sis Babilunya at fun at daga salubangan.

Uel 2:27

Nu katanya, sumaful am te, si ktua gugat ayu fag ngay taw Israel. Au wan ay Dius Yawi. Ay kabavn ban, diam gafaplan.”

Uan 1:1

Siginans fakasigadan, Longan sanya wan. Ay kafag Longan gufud Dius ay kafag Longan Dius.

Deuterunumyu 32:39

Damai au way lang ay Dius! We tibak dius sas day angku. Au at mafabul ay au yangay at mafaleleg, ay au wan at mafae fakarukan ay au yangay at mafafia. Ay we malagyu siginan angku.

Deuterunumyu 4:35

Nafasure sa ayu nusnge wain laman sumaful am te, Yawi wan at matuyan fag Dius, ay we tiba ya.

Deuterunumyu 4:39

Nu katanya, toglagi katsi fag menit ay amatangani te, Yawi way lang banwa ay daga at Dius.