Isayas 45:3 - Fanawbuid tagsibaliwas Fakayabian

³ Ay gfon kban emu nusnge wain fag ngay ramraman at mafasuksukan, laman sumaful o te, au Yawi, Israel at Dius, at nauro emu.

Isayas 45:3 ပူးပေါင်းရင်းမြစ်များ

2 Krunika 6:17

Nu katanya, Yawi, taw Israel at Dius, fafasludani am fatuyanan sa am fagsuguan Dabid.

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Nu Galin 33:12

Muisis nalong sas Yawi te, “Glong o gugat sa angku te, namangguna au am ngay taw sa am nafatuyanan fag talun, dewa katanya, yo e nalong sa angku te, kanya am fagnansuguun fag taw tagalo angku. Nalong yangay o te, toglag tuo angku ay guseganan.

Nu Galin 33:17

Yawi nabalus Muisis te, “Gfakamulun au am fagetun sa angku. Aroro guseganan au emu ay toglag kwa emu.”

Isayas 43:1

Israel, katatuy Yawi, at nawat emu, at fagyalongun sa emu: “Dangay o kalimu aroro namalangfe au emu. Nauro au am ngayan, ay au wan am tagagbilug.

Isayas 48:15

Au tua at nalong anya ay au yangay at nafili anya. Gsugu au anya ay kanya ban gbabo tua.

Isayas 49:1

Dungugani angku, am tagbanwan sa tangayayu fag ngay talun sis wabilug dagat: Gina au yud ansalug, Yawi nafili angku laman at fagsuguan.

Eremyas 41:8

Ay wa nafabul at safulu aroro kanya fagayu nalong sas Ismael te, “Lag o gfabul emi! Namon ban mi sa emu em ngay trigu, barli, langis ay deut em nafasuksuk si em gamasun.”

Eremyas 50:26

“Am, at namawayan talun Babilunya siginan tangayayu fag talun, fawayani wan! Ay luangi at ngay bale famoy. Ay fabungsudi ay nagrufan kata nu gfaful at gutluan. Famini wan taw Babilunya ay lag gfae sawad ya.

Eremyas 50:37

Ay faurianan fag fiso tagsumbalian at uyup gfaurianan yangay at ngay kabayu, ay anggan tagsakay sit ngay faguyudan at ke balingkitan, ay fagayu at nanggubuk anya. Kanya fagayu ummomuy kata sik mangena. Ay gbul yangay at ngay ramraman ay gbuba wan.

Eremyas 51:13

Talun Babilunya, ngayu tagsi emu liskung ke mamam tua gugat, ay ngayu yangay am ramraman. Dewa katanya, andasug wan am fakatabuan fag menit nu gafaurianan o.

Eremyas 51:53

Furuan Babilunya ban dewa gdasug sas banwa ay dewa gfaogat gugat at ngay alad, namadasug kban at nanrasras.