Isayas 45:18 - Fanawbuid tagsibaliwas Fakayabian

¹⁸ Yawi, o at nawat banwa ay fagdaul daga. O wan Dius. Wo nawat fagdaul daga way ro e gleleg, nawat o kanya laman e gbanwan. Ay nalong o te, “Au wan Yawi, sas day angku we tibak dius.

Isayas 45:18 ပူးပေါင်းရင်းမြစ်များ

Alubad. 115:16

Yawi tagagbilug banwa, ay nafatigwanan sa sangay taw fagdaul daga.

Eremyas 10:12

Siginan Yawi at fagmabalyananun ay at fagsafulun, kanya nawat banwa ay fagdaul daga.

Isayas 45:12

Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Fakasigadan 1:2

Ginanya, fagdaul daga ye kawalungan ay ye gleleg nusnge wain. Ay fagmadulumun tagtabun fagngabasadan. Ay Dius at Falad glelegan sis tungud lino.

Fakasigadan 1:26

Ay Dius nu ntabu wan nu kawat fagayu, nalong te, “Nangawat watam taw kata antam. Kanya ban tagalaga sas fagayu gaban tagleleg: tagfioan, taglayug, ay taglao, ay anggan tagalafang.”

Eremyas 51:15

Siginan Yawi at fagmabalyananun ay at fagsafulun, kanya nawat banwa ay fagdaul daga.

Fakasigadan 9:1

Sanya ginan, Dius nafadante Nui ay anggan at ngay sisian ay nalong te, “Sisiani laman ban umkayu am ay umkapnu sas fagdaul daga.

Fakasigadan 1:28

Ay Dius nafadante ay nalong te, “Ayui laman ban ay ngay sugfun rumapyagan ay nangagbilug sas fagdaul daga. Ay alagai yangay ban fagayu tagleleg: tagfioan, taglayug, taglao, ay anggan tagalafang.”

Fakasigadan 1:1

Taguna, Dius nawat banwa ay fagdaul daga.

Fangatulun 30:4

Sinu nunda at nasas banwa ay at natustus ste swa daga? Ay sinu nunda at nagalumutan tagmara ay at nasifig mamam sat lanbung? Ay sinu nunda at namatangan laman namoli fagdaul daga at fatuan? Nung tuo e nasaful, longi angku kafag taw at ngayan ay anggan at baguama at ngayan.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 48:13

Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 51:13

O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.