Isayas 45:12 - Fanawbuid tagsibaliwas Fakayabian

¹² Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 45:12 ပူးပေါင်းရင်းမြစ်များ

Fakasigadan 2:1

Nu katanya, Dius nawat banwa ay fagdaul daga ay fagayu tagsanya.

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Nemyas 9:6

Yawi, o wan at nawat banwa, ngay galeme, daga ay dagat, ay fagayu tagbanwan sanya. Ay nafae leleg o fagayu am awatan tagleleg, ay am ngay tagbarita sis banwa gseg tua gugat emu.

Ub 37:18

O magubuk ro wo Dius nu gfae linyabu, katugas sik taganyang fag salaming tansu?

Alubad. 102:25

ay nawat o banwa ay daga.

Alubad. 104:2

Yamag gsifig emu kata am lanbung, ay nawat o banwa laman am fagbanwanan.

Isayas 37:16

“Yawi at Mabalyanan, Israel at Dius, at malunggung sit faglunggungan sis wabilug ngay awatan at ke fakfak, o way lang Dius sas fagayu fagfagtainanan sas fagdaul daga. O wan at nawat banwa ay fagdaul daga.

Isayas 40:12

Sinu at masuad sat daluap fagdaul dagat, ay sinu at madango banwa? Ay sinu at masuad fagdaul daga sa sik bang, ay sinu at mafafabudbungguan ngay buksul ay ngay fungsu?

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 40:26

Tangdai sas banwa! Sinu nunda at nawat ngay galeme? Dius wan at nawat kanya fagayu, ay gfasadsadian gfasure gina glong at mesa ngayan. Ay siginan at fagmabalyananun, nusdi sadi di e nalyam.

Isayas 40:28

O nunda yam saful ay yam batang gdungug te, Yawi, at yud e fakatabuan fag Dius, at nawat fagdaul daga? Kanya di kamomuy ay di kalufuy ay we taw saful at amatanganan.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 45:18

Yawi, o at nawat banwa ay fagdaul daga. O wan Dius. Wo nawat fagdaul daga way ro e gleleg, nawat o kanya laman e gbanwan. Ay nalong o te, “Au wan Yawi, sas day angku we tibak dius.

Isayas 48:13

Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 51:13

O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.

Eremyas 27:5

Siginan ku fagmabalyananun nawat au fagdaul daga, ngay taw ay ngay mangilafang, ay au way tagfili at nangalaga kanya fagayu.

Eremyas 32:17

“Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Sakaryas 12:1

Katatuy Yawi at longan sabaliwas Israel: Au, Yawi, at nawat banwa ay daga. Ay au wan tagfon leleg sa sangay taw.

Deuterunumyu 4:32

Amatangani ebi ataw fag ngay menit, siginan Dius nu kawat taw sas fagdaul daga dasug katsi. Ay afagdauli sas fagdaul daga; o e lagan ro am nusnge wain at maksvn nu madulo at kinfasludan takatatuy?

Ebreu 11:3

Aroro siginan tam fagafanudun sas Dius, nasaful tua tam te, Dius nawat fagdaul daga siginan at longan, nu katanya, fagayu nusnge wain takalag ankawat siginan at yud kalag.