Isayas 45:1 - Fanawbuid tagsibaliwas Fakayabian

¹ Katatuy Yawi at longan sas Sirus, sat nafili ay sat nafae fagmabalyananun fag fun. “Namagbilug au sa emu ngay talun at ngay taw, ay namababawan au sa emu ngay fun, ay nanggubuk au emu nanluang ngay furuan at ngay sakbawan ay we madingding.

Isayas 45:1 ပူးပေါင်းရင်းမြစ်များ

1 Fun 19:15

Ay Yawi nalong anya te, “Afolii sam dalan ay loi sat yud e taw fag talun tagsis Damasku. Ay nu ndasug o sanya, rarusi langis sas Kasael laman fagtoglagan te, kanya wan talun Aram at fun.

Esra 1:1

Gina taguna fag banwa fun Sirus nu gfunan sis Persya, Yawi nafafasludan at longan at nalong sat taglong Eremyas. Ay kanya nafamatanganan Sirus laman kawat sik foyungan. Ay fun Sirus nariruk kafag foyungan, ay nafabuba sas fagdaul at fagfagtainanan:

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Ub 12:21

Kanya gfauri ngay fun, ay gbul ngay taw at mabalyanan at fagmakatuun.

Alubad. 73:23

Dewa katanya, gufud tuo gugat ay gbakvd angku.

Isayas 13:2

Fabati sik fakatoglagan fag ramit sas tungud buksul at yud e kayu. Ay uroi daul ay yafei sa sangay tagfawayan laman nanakbo ay namawayan at mabalyanan fag ngay taw at furuan.

Isayas 13:3

Nasugu au ku nafili fag ngay tagfawayan tagfauri ku fakadotamaun fag ngay taw. Kanya fag ngay tagfawayan gfanagsag te, mafakamulun au.

Isayas 41:13

Aroro au, Yawi am Dius, tagfabitsug emu ay taglong te, lag o kalimu aroro ggubuk au emu.

Isayas 41:2

Sinu at nafili sik tagbabo siginans fakamenitan laman kanya gbabo nusnga nday? Ay sinu at nafagbilug sa anya ngay fun ay ngay talun at ngay taw? Kanya nafakata lukbu at ngay fawayan siginan at fiso, ay nafakata sik upa siginan at godun.

Isayas 41:25

Nafili au sik taw siginans wala fag alvngvdan laman namagtainan. Kanya kakbang tua angku, ay katsi kanya kadasug siginans fakamenitan. Kanya ban namamin ngay tagfunan kata sik takawat tikung nu gsiad lifak laman gfalganan at fangawat tikung.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 44:28

Nalong au sas Sirus te, ‘O ban tagulit ku ngay taw, ay at namakamulun fagayu ku fakaylatun. Sugui te, Dogi yap awati furuan Erusalem, ay anggan ku bale.’ ”

Isayas 45:5

Au wan Yawi, we tiba yak dius sas day angku. Nafabitsug au emu gina o yud natoglag angku,

Isayas 48:15

Au tua at nalong anya ay au yangay at nafili anya. Gsugu au anya ay kanya ban gbabo tua.

Eremyas 27:6

Nu katanya, katsi namon kwan ay ngay talun sa ku fagsuguan Nabukudunusur, talun Babilunya at fun. Ay anggan tagsis talun fag ngay mangilafang namagbilug kwan sa anya.

Eremyas 43:10

Sanya ginan, longi sa anya fagayu te, ‘Yawi at Mabalyanan, Israel at Dius, glong te, Gsugu kban ku fagsuguan Nabukudunusur, Babilunya at fun, ay namoli au at fagmalunggungan sis tungud ku nasaksak ste fag ngay gang ay kanya nangawat at bale ramit sit tungud.

Eremyas 50:3

E sik talun ban siginans fawalan fag alvngvdan namawayan talun Babilunya, ay Babilunya ban mabaluanan way lang. Ay wa ban e gbanwan ya sanya aroro at ngay taw anggan at ngay fagbaugun nalagyu wan.

Eremyas 50:35

“Au, Yawi, glong au te, faurianan fag fiso tagsumbalian at uyup namaurianan ngay taw Babilunya at ngay tagfangguna ay anggan at mamatanganan fag ngay taw!

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Eremyas 51:30

Babilunya at ngay tagfawayan umragang nu gfawayan ay maragangan way lang sit fagmafulan. Kanya fagayu ummomuy kata sik mangena. Ay tagsis Babilunya fag ngay bale umkirug ay at ngay dingding sakbawan umrasras wan.

Eremyas 51:58

Yawi at Mabalyanan nalong yay fia te, “Rasrasi wan talun Babilunya at ngay alad at madamvl ay irugi wan at ngay sakbawan tangabat. Wa ban e masuad fagayu tagbanwan sanya at nainlufuyan aroro kairug ban.”

Esekyel 29:20

Gfon kban sas fun Nabukudunusur talun Igiptu tuga ku famonun sa anya ay sat ngay tagfawayan at nainlufuyan nafakamulun laman sa angku. Au, Fun Dius Yawi, taglong tuy.

Daniel 5:6

Ay fun narinun, ay at tud natadtaruyan nu kalimu.

Daniel 7:5

“At faduak mangilafang kata sik usu. Kanya malindug ay e tangagan tuluk tagyang. E nalong sa anya te, ‘Kin, fafanudani wa fia emu oni yamas!’

Daniel 8:3

Nalag au sik tama tupa malindug sis tigyangan liskung. Ay kanya e duak tangaba fag sunge, ay wa glugo, at sunge taguyan gtugbung ankaba, aba yap tua at sadi.

Daniel 8:4

Nalag au tuy nu gsunge nusnga nday fag furuan. Nusnga setaw fag fagbaugun we mafaragang anya ay we malagyu. Ay kanya mafafakamulun at fakaylatun, nu katanya, kanya anke fagmabalyananun.

Naum 2:6

Ay famalabag mamam umluang, ay fun at bale daul umkiklas.

Naum 3:13

Damai ay ngay tagfawayan, kanya fagayu mamomuy! Ay ay furuan daul at sakbawan umkirug wan, nu katanya, ay ngay fawayan masakit nu gsakbo.