Isayas 43:9 - Fanawbuid tagsibaliwas Fakayabian

⁹ Ay uroi ngay taw sa sangay talun. Kafag ngay taw at fagsegan wa mafoyung takafasludan sas fagunan, ay wa batang gfoyung at kinfasludan wan. Fastiei tagfatuyan kafag ngay fagsegan at longan, laman ngay tagdungugan lumong te, anud, matuyan.

Isayas 43:9 ပူးပေါင်းရင်းမြစ်များ

Alubad. 50:1

At mabalyanan fag Dius, Yawi garingang. Kanya guro gfaful sas fagdaul daga at ngay taw, siginans fakamenitan anggan sas fakayabian.

Isayas 34:1

Am fag ngay talun at ngay taw, akbangi ay dungugani angku. Fagdaul daga dungugani anggan fagayu tagsanya.

Isayas 41:1

Yawi nalong te, “Am fag ngay taw tagsiginan sangay talun tagsis wabilug dagat, ragangani ay dungugani angku. Ay am tagsiginan tibak talun, faksvni ay amatanganan ay akbangi sa angku, ay nangaful tam sas fagnanginsafulan.

Isayas 43:26

Agvd, gamatangan tam at kinlangfe fag ngay menit, ay gkamatoan tam. Fatuyanani te, di o e asalanan.

Isayas 44:6

Yawi wan Israel at Fun ay at Tagfalangfe. Yawi at Mabalyanan nalong te, “Au wan fagsigadan ay fakatabuan. We tibak dius sas day angku.

Isayas 46:10

Siginan ngay sfagsigadan nalong kwan takafasludan ban. Ay fagayu ban ku ngay nalong umfasludan, ay namakamulun kban nusnga setaw ku fagyafakamulunun.

Isayas 48:14

Fagayu am mafuli ay dungugani: Sinu fag fagsegan at nafoyung te, ku fagadgalangan ban namawayan Babilunya, laman namakamulun ku algan sanya fag talun? Duan!

Isayas 48:3

Kanya nalong ayu te, “Ebi nalong au ayu te, katanya ban at kumfasludan. Ay katsi nafafasludan kwan.

Uel 3:11

Gewan, ngay taw siginan tibak talun, nangaful am sas datag Eusafat.” Yawi, fasanyai wan am ngay tagfawayan.