Isayas 43:4 - Fanawbuid tagsibaliwas Fakayabian

⁴ Ay namon au tibak talun at ngay taw laman fangungbus emu, laman famaungbus am leleg, aroro o wan at mafanud ay at masine sa angku, ay kesug au emu.

Isayas 43:4 ပူးပေါင်းရင်းမြစ်များ

Fakasigadan 12:2

Ay namayu kban am kasugfunanan, ay gfadante au emu, ay namasik takadungug au am ngayan. Ay siginan emu gfadante kban ngayuk taw.

Alubad. 112:9

Kanya kamon tua sat yud e kwa, ay at fagmatuyanun ban kamatang tua gugat. Ay at fagmakatuun ban kafamut yay, laman e gfauseganan.

Alubad. 135:4

Aroro kanya nafili tua ngay taw Israel, Akub at ngay kasugfunanan, laman at ngay taw.

Isayas 49:5

Yawi nafili angku laman at fagsuguan, laman namafoli ay namaful ngay taw Israel sa anya. Yawi ku Dius nafausegan ay nafon angku fagmabitsugun.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Eremyas 31:3

Ebi Yawi ansure sa sangay taw Israel ay nalong te, “Nesug au ayu at yud e fakatabuan. Siginan ku fagmagalangun, nafakbang au ayu sa angku.

Usea 11:1

Dius nalong te, “Kesug au Israel ebi gina kanya sik masisian yay. Nafangayan au anya te, ku sisian ay nafaduksun kwan anya siginans talun Igiptu.

Malakyas 1:2

Yawi nalong te, “Kesug au ayu. Nu katanya, wain ay fagintoun yay te, ‘Tain nu kesug o emi?’ O nunda wam nasaful te, Isaw ay Akub dewa duksay, ku fakesugun Akub tua,

Malakyas 3:17

Yawi at Mabalyanan nalong sa sangay tagafanud te, “Gina kban gfaurianan fag menit, gagbilug kban ayu, ay gtuyan au te, am wan ku ngay taw. Kwa gfaurianan ayu, kata sik mama nu yud gfaurianan at ngay sisian tagfaning anya.

Uan 16:27

Ku Mama kesug tua ayu aroro kesug tuam angku ay gafanud tuam te, siginan au ku Mama.

Uan 17:23

Ay au, masadi au sanya fag ngay taw, ay o, masadi o si angku, laman kanya fagayu masadi fia. Nu katanya, ste swa daga fag ngay taw sumaful te, o wan at nasugu angku, ay kesug o kanya fag ngay taw kata nu kesug o angku.

Uan 17:26

Nafatoglag kwan emu sanya fag ngay taw ay gfataglayun kyay ban gfatoglag laman am fakesugun sa angku gbanwan si anya, ay au si kyangay anya.”

Uan 5:44

Ay famauseganan nu sa way lang ay iba, tain ro nu gafanud am, wayam grvbvy famauseganan tagsiginan at matuyan fag sadik Dius?

Deuterunumyu 14:2

aroro am wan tam Dius Yawi at nafili fag ngay taw. Siginan fagayu taw sas fagdaul daga, am wan at nafili laman at fagagbilugun.

Deuterunumyu 26:18

Ay katsi fag menit Yawi gfasure yangay sa ayu te, am wan at nafili fag ngay taw kata at fatuyanan, ay faningi ban fia fagayu at suguan.

Deuterunumyu 4:37

Ay aroro kanya kesug tua ay ngay mangaguyang, kanya nafili ay naufud ayu, ay siginan at fagmabalyananun kanya nafaduksun ayu siginans talun Igiptu.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

1 Pedru 1:7

Gintu dewa mafanud, namadalan sasad afuy laman sumaful te, o matuyan. Ay ay fagafanudun tagtungud tuas gintu, gfadalan yangay sas famaskud, laman umsaful te, o matuyan. Ay nu matuyan tua, e gfauseganan ban ayu, ay e gfae fagmasineun gina ban Isus, Dius at nafili fag Fun, andasug.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.