Isayas 43:3 - Fanawbuid tagsibaliwas Fakayabian

³ Aroro au Yawi am Dius, Israel at Dius at yud e Malong, ay am Tagfalangfe. Namon au ngay taw Egiptu, Etiupya, ay Seba sa tibak talun at ngay taw, laman famangsi emu.

Isayas 43:3 ပူးပေါင်းရင်းမြစ်များ

Fakasigadan 10:7

Ay Kus at ngay baguama: Seba, Sabta, Raama ay Sabteka. Ay Raama at ngay baguama: Syeba ay Dedan.

Alubad. 72:10

Tarsis ay anggan ngay furu tagsis wabilug dagat at ngay fun ay Syeba ay Seba at ngay fun, namon nangus at ngay famonun sa anya.

Nu Galin 10:7

Ay Igiptu at fun at ngay tagfakamulun glong sa anya te, “Seduge yaban nu gfabayan o kafag taw nu gfaidapan antam? Falaoi wan ngay taw Israel laman mananseg wan sat Dius Yawi. O yo nasaful te, anrasras wan fagdaul tam talun?”

Nu Galin 20:2

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Fangatulun 11:8

Dius gfalangfe tua at matuyan fag taw gina e fagidapun, dewa katanya, kanya gfabayan way at mauri fag taw.

Fangatulun 21:18

Fagayu at mauri ay at ke asalanan fag ngay taw umfaurianan, laman gfalangfe at yud e asalanan.

Isayas 19:20

Kanya ban sik fagsafulan ay famatuyan te, Yawi at Mabalyanan sis talun Igiptu. Ay nu ginain ngay taw Igiptu nu get gubuk sas Yawi, aroro gidapan tibak taw nu gfalingun anya, Yawi sumugu ban tibak taw at nanggubuk ay at namalangfe anya.

Isayas 20:3

Yawi nalong te, “Ku fagsuguan Isayas glodloan gasifayanan ay wa galapakan kaduge tuluk banwa. Kanya sik famasaful sas talun Igiptu ay sas Etiupya at ngay taw.

Isayas 30:11

Saruyani wan siginan em dalan. Lag gsalag emi. Lag gfoyung emi sabaliwas Israel at Dius at yud e Malong.’ ”

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 42:8

Au Yawi! Kanya ku ngayan! Kwa kaylat tibak fagsegan nu gbul famauseganan sabaliwa angku.

Isayas 43:11

Au Yawi, ay sas day angku we tibak tagfalangfe.

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Isayas 45:15

Dius, o wan Israel at Tagfalangfe, at matuyan wo kalag.

Isayas 45:21

Ngay fagsegan, kamatoani ay longi ay fagkamatoanun. Sinu at nafoyung ebi te, katanya ban at kumfasludan? O nunda bunwa au? Au Yawi, we tibak dius sas day angku, at Matuyan ay Tagfalangfe fag Dius.

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 60:16

Ngay talun ban ay ngay fun galaga emu kata sik mangena nu gfasusu at ngenge. Nu katanya, sumaful ban o te, au Yawi, am Tagfalangfe, Akub at Dius at Mabalyanan.

Isayas 63:8

Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.

Eremyas 14:8

Yawi, o wan Israel at fagsegun ay at tagfalangfe gina e fagidapun. Wain am fakataun way em betaw? Ay wain am fakataun way sik tagfanloan tagsik yabi way nu gtiug si em talun?

Eremyas 16:21

Yawi nalong te, “Nu katanya, katsi, namalag au sa anya fagayu ku fagmabalyananun ay ku fagsafulun laman kanya fagayu sumaful te, au wan Yawi.”

Esekyel 39:7

“ ‘Namatoglag kban sa ku ngay taw Israel ku ngayan yud e malong, ay kwa ban kaylat nu e gfauri ku ngayan. Ay fagayu ban talun at ngay taw sumaful te, au Yawi, Israel at Dius at yud e malong.

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Amus 9:7

Yawi nalong te, “Ngay taw Israel, nu gamatangan au ayu gsud way am ngay taw Etiupya. Matuyan, nafalfas au ayu siginans talun Igiptu, ay nafalfas kyangay ngay taw Filistia siginans Kaftur, ay ngay taw Aram siginans Kir.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Udas 1:25

Sadi way tam Dius tam Tagfalangfe. Siwa anya fagmasineun ay fagmabalyananun ay fagmafagtainanun ay fagmafunanun siginan tam Fun Isus siginans fakasigadan, dasug katsi ay kabavn ban. Anud.