Isayas 42:6 - Fanawbuid tagsibaliwas Fakayabian

⁶ Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 42:6 ပူးပေါင်းရင်းမြစ်များ

Isayas 26:3

Yawi, foni sik maksvn fag fagmanabayanun sanya fag ngay taw tagamatangan kabavn sabaliwa emu, aroro gafanud tua sa emu.

Isayas 27:3

Au wan, Yawi, tagalaga kafag tanuman wat ubas. Gfarugme au gugat, ay gulit kayu menit ay kayu yabi laman di e gfauri.

Isayas 32:1

E sik fun matuyan tua nu gfunan, ay at ngay tagfangguna anke fagmanabayanun nu gfangguna.

Isayas 41:13

Aroro au, Yawi am Dius, tagfabitsug emu ay taglong te, lag o kalimu aroro ggubuk au emu.

Isayas 41:2

Sinu at nafili sik tagbabo siginans fakamenitan laman kanya gbabo nusnga nday? Ay sinu at nafagbilug sa anya ngay fun ay ngay talun at ngay taw? Kanya nafakata lukbu at ngay fawayan siginan at fiso, ay nafakata sik upa siginan at godun.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 43:1

Israel, katatuy Yawi, at nawat emu, at fagyalongun sa emu: “Dangay o kalimu aroro namalangfe au emu. Nauro au am ngayan, ay au wan am tagagbilug.

Isayas 45:1

Katatuy Yawi at longan sas Sirus, sat nafili ay sat nafae fagmabalyananun fag fun. “Namagbilug au sa emu ngay talun at ngay taw, ay namababawan au sa emu ngay fun, ay nanggubuk au emu nanluang ngay furuan at ngay sakbawan ay we madingding.

Isayas 45:13

Au at nafili Sirus laman namafasludan ku ngay algan at masine. Ay namafasludan au nusnga setaw at balyawvtan. Ay kanya ban gdog yay nangawat ku furuan, ay namalfas ban ku ngay taw at natabanan sa tibak talun. Kanya ban namakamulun takatanya dewa yud e famayad. Au Yawi at Mabalyanan at nalong takatanya.”

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Mateu 26:28

Tuy ku taguk takabusbus ban laman gfalyam ngayuk taw at asalanan, ay famatuyan Dius at nasadian sa sangay taw.

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Fakamulun 13:47

Aroro tam Fun nasugu emi te, ‘Nawat au emu kata sik salung sas yud Udyu fag ngay taw, laman namoyung fakalangfean sas fagdaul daga.’ ”

Fakamulun 26:23

Dius at nafili fag Fun nanginkidapan ban ay kanya ban taguna at nadog naleleg siginan at fagmabulanan, laman gfoyung ay gfayamag fakalangfean sas taw Udyu ay anggan sas yud Udyu fag ngay taw.”

2 Kurintu. 1:20

Aroro Isus wan tagfafasludan Dius at fatuyanan fagayu. Ay nu katanya siginan anya, guseganan tam te, Dius matuyan.

Ebreu 12:24

Ay andasug wam sas Isus, Tagwabilug sat Bagu fag Nasadian. At taguk at kinbusbus gfalyam asalanan, ay di kata Abel at taguk taget famasud.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

Ebreu 7:2

Ay Abrayam nafon anya at fasafuluk afud at nabul siginan at fagawayanan. Melkisedek at ngayan at masuad te, at matuyan fag fun. Ay Salem at fun at masuad yangay te, tagfae fagmanabayanun fag fun.

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

Ebreu 8:6

Dewa katanya Isus at fakamulun amasine yap tua ngay tagfon fanggalangun at fakamulun. Ay kanya tagwabilug Dius ay taw at nasadian. Ay kanya fag nasadian gtungud tua at dan fag nasadian, aroro kanya fag nasadian siginan sangay fatuyanan tagtungud tua nu masine.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.