Isayas 42:5 - Fanawbuid tagsibaliwas Fakayabian

⁵ Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 42:5 ပူးပေါင်းရင်းမြစ်များ

Fakasigadan 1:1

Taguna, Dius nawat banwa ay fagdaul daga.

Fakasigadan 2:7

Yawi nawat taw siginans lukbu. Ay kanya nauyup sat dungus laman kanya fag taw gleleg. Nu katanya, at nawat fag taw ansik tagleleg fag awatan.

Ub 12:10

Fagayu at awatan at ngay leleg siwa at daluap, ay anggan taw at engasan.

Ub 27:3

Kaduge kban gleleg yay, ay kaduge ban Dius gfon angku engasan,

Ub 33:4

Dius at Falad at nawat angku ay at nafon sa angku ku leleg.

Ub 34:14

Dius ro nu gbul wan tam leleg,

Alubad. 136:6

Kanya nafae daga sis tungud mamam. Nu mafangesug di e fakatabuan.

Alubad. 33:6

Siginan Yawi at aringang, banwa ankawat. Ay siginan at uyup, menit ansure, gasfuan magdanun ay anggan ngay galeme.

Alubad. 96:5

aroro Yawi tua at nawat banwa. Ay tibak talun at fagsegan bunwa at matuyan fag dius.

Isayas 37:16

“Yawi at Mabalyanan, Israel at Dius, at malunggung sit faglunggungan sis wabilug ngay awatan at ke fakfak, o way lang Dius sas fagayu fagfagtainanan sas fagdaul daga. O wan at nawat banwa ay fagdaul daga.

Isayas 40:12

Sinu at masuad sat daluap fagdaul dagat, ay sinu at madango banwa? Ay sinu at masuad fagdaul daga sa sik bang, ay sinu at mafafabudbungguan ngay buksul ay ngay fungsu?

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 40:26

Tangdai sas banwa! Sinu nunda at nawat ngay galeme? Dius wan at nawat kanya fagayu, ay gfasadsadian gfasure gina glong at mesa ngayan. Ay siginan at fagmabalyananun, nusdi sadi di e nalyam.

Isayas 40:28

O nunda yam saful ay yam batang gdungug te, Yawi, at yud e fakatabuan fag Dius, at nawat fagdaul daga? Kanya di kamomuy ay di kalufuy ay we taw saful at amatanganan.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 45:12

Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 45:18

Yawi, o at nawat banwa ay fagdaul daga. O wan Dius. Wo nawat fagdaul daga way ro e gleleg, nawat o kanya laman e gbanwan. Ay nalong o te, “Au wan Yawi, sas day angku we tibak dius.

Isayas 48:13

Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 57:16

At matuyan, kabavn kwa namawayan ay namaurianan ayu, aroro nu nafakamulun kway ro takatanya, umbul ro ku nawat fag ngay taw.

Eremyas 10:12

Siginan Yawi at fagmabalyananun ay at fagsafulun, kanya nawat banwa ay fagdaul daga.

Eremyas 27:5

Siginan ku fagmabalyananun nawat au fagdaul daga, ngay taw ay ngay mangilafang, ay au way tagfili at nangalaga kanya fagayu.

Eremyas 32:17

“Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Eremyas 38:16

Ay fun Sedekya ginasan gfatuyanan sas Eremyas te, “Gfatuyanan au sas Yawi, tagleleg fag Dius tagfon antam leleg te, kwa ro gfabul ay kwa yangay ro gfon emu sa takaylat gyafabulun emu.”

Esekyel 18:4

Dungugani! Au tagagbilug fagayu tagleleg. Dewa at ngay fagtainan ay at ngay sisian. Ay fagayu taw tagasalanan umbul.

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Amus 9:6

Dius wan at nawat at fagbanwanan sis banwa. Ay kanya yangay at nafae kiwang, ay at nafasas linyabu dagat at mamam, ay tagfae arak. Kanya at ngayan, Yawi.

Sakaryas 12:1

Katatuy Yawi at longan sabaliwas Israel: Au, Yawi, at nawat banwa ay daga. Ay au wan tagfon leleg sa sangay taw.

Fakamulun 17:24

“Kanya fag Dius banwa ay daga at fun, ay at nawat daga ay fagayu tagsanya. Ay kanya wa gbanwan sis taw at nawat fag bale,

Fakamulun 17:25

ay wa gayudan fanggubukun siginans taw, aroro kanya wan tagfon sa antam leleg ay engasan ay nusnge wain.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.