Isayas 42:4 - Fanawbuid tagsibaliwas Fakayabian

⁴ Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Isayas 42:4 ပူးပေါင်းရင်းမြစ်များ

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Alubad. 22:27

Ngay taw sas fagdaul daga nangamatang ay nangafoli sas Yawi. Ay fagayu talun at taw nanseg anya.

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 40:28

O nunda yam saful ay yam batang gdungug te, Yawi, at yud e fakatabuan fag Dius, at nawat fagdaul daga? Kanya di kamomuy ay di kalufuy ay we taw saful at amatanganan.

Isayas 41:5

Ngay taw tagsiginan tangayayu fag ngay talun sis wabilug dagat, ay anggan sas fungfung daga, nalag ku nafakamulun, ay kanya fagayu kalimu. Ay kanya fagayu ankakbang sa angku ay anful,

Isayas 42:10

Alubadi sik bagu fag alubad sas Yawi! Fagayu am tagsis fagdaul daga, alubadi sik ngay famauseganan anya. Segi yangay anya, fagayu am tagsis sakayan lino, ay fagayu tagbanwan sa tangayayu fag ngay talun tagsis wabilug dagat.

Isayas 42:12

Fauseganani segi Yawi, fagayu am tagsiginan tangayayu fag ngay talun tagsis wabilug dagat.

Isayas 42:21

Yawi kaylat gfalag te, at faugali mabalyanan ay masine, laman gfasaful sas fagayu taw te, kanya matuyan.

Isayas 49:1

Dungugani angku, am tagbanwan sa tangayayu fag ngay talun sis wabilug dagat: Gina au yud ansalug, Yawi nafili angku laman at fagsuguan.

Isayas 51:4

Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.

Isayas 51:5

Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 55:5

Nanguro am ay fagyudun toglag fag ngay talun at ngay taw, ay kanya ban fagayu gabanganan nangakbang sa ayu, aroro au Yawi, Israel at Dius at yud e Malong, at nafae famauseganan ayu.”

Isayas 66:19

“Namalag kban at madulo sa anya fagayu. Ay fagayu ban at sawad gsugu au sa sangay talun Tarsis, Pul, Lud (ngay taw Lud saful gagbilug godun), ay sas Tubal, Gresya, ay sa tiba yak talun tangayayu yud batang gdungug sabaliwa ku fagmasineun, ay yud batang glag ku fagmabalyananun. Kanya ban fagayu namoyung sanya fag ngay talun at taw sabaliwa ku fagmabalyananun.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Mateu 12:21

Ay fagayu ban talun at ngay taw e fagsegun tua sa anya.”

Markus 3:3

Ay Isus nalong sat yud mafalelegan at daluap te, “Gewan, stei sfagunan.”

Ruma 16:26

dewa katanya, katsi ansure wan ay ansaful siginan Dius at ngay taglong at Rirukan, ay gfaning at yud e fakatabuan fag Dius at suguan, laman fagayu taw gafanud tua ay galo anya.

1 Kurintu 9:21

Ay katanya yangay kaduge au gfadgaloan yud Udyu fag ngay taw, at yud gfaning Muisis at Faugali, kwa yangay gugali gfaning kafag Faugali, laman mafataban au anya fagayu sas fagafanudun. Bunwa te, kwa gfaning ya Dius at faugali, nu bunway aroro gfaning au tam Fun Isus at faugali.