Isayas 42:16 - Fanawbuid tagsibaliwas Fakayabian

¹⁶ Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 42:16 ပူးပေါင်းရင်းမြစ်များ

Alubad. 94:14

Yawi, dewa katanya, di ban o gaiyan am nafili fag ngay taw.

Takamoyung 1:15

Wo mafalugde at mabarukung, ay wo mafatap at yud e kalag.

Takamoyung 7:13

Amatangani Dius at ngay nafakamulun. Sinu at mafasine at nafasik mauri?

Isayas 26:7

Ay at matuyan fag ngay taw at dalan madatag tua, ay o wan, Dius at Matuyan at nafadatag.

Isayas 29:18

Ginanya ban fag menit, at yud gdungug, gdungug nu e gtap sis fafil. Ay siginans fagmadulumun, at yud glag lumag tua.

Isayas 29:24

Ngay taw ban at yud saful at matuyan sumaful wan, ay takamayud ban guseganan wan nu e gfoyung anya.”

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 30:21

ay dumungug wam fia nu garingang nu namoyung ayu at matuyan fag dalan, dewa nusnga nday am.

Isayas 32:3

Ay fagayu ban taw grvbvy Dius ay gdungugan anya.

Isayas 35:5

Ay nu nfasludan ban katanya, sik taw at yud glag, glag tua ban, ay at yud gdungug, gdungug tua ban.

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Isayas 40:4

Fapnui ngay tagubungan, ay fadatagi ngay buksul ay ngay fungsu, ay anggan ngay tagbudbuksulanun fag ngay daga.

Isayas 41:17

Ku ngay taw at yud e kwa grvbvy mamam, ay we nalag, ay at kaksvnan nu kadanum ankatat wan at ngay lislis; au Yawi, taggubuk anya. Au Israel at Dius kwa gfabayan anya.

Isayas 41:3

Kanya nafafalo at ngay fawayan ay we nasalag anya, ay gtaglayun dewa sat fagyudun batang glao fag furuan.

Isayas 45:2

Gguna kban emu, ay namadatag au ngay buksul, ay nanrasras au ngay sakbawan at mawatan tansu, anggan famalabag fag ngay sanbung.

Isayas 45:7

Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.

Isayas 48:17

Yawi ay Tagfalangfe, Israel at Dius at yud e Malong glong te, “Au, ay Dius Yawi at nafoyung ayu te, tain at masine sa ayu, ay au tagtaban ayu sat matuyan fag dalan.

Isayas 52:12

Dewa katanya, lag gabanganan nu glo am, kata nu e faglagyuun am, aroro au wan Israel at Dius Yawi tagsi ay fagunan ay si ay faguyanan.

Isayas 54:13

Namoyung kban sa am ngay taw laman gbanwan tua manabayan.

Isayas 58:10

abat ngate, foni tua ay fakonun sa sangay takalunus, ay foni sa sangay tagafalingunan at ngay fagayudanun, laman gdamlag tua ban am sis fagmadulumun, ay laman yabi umkata swabilug menit.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Esekyel 14:23

Anud, umkalyam ban ay amatanganan at mauri nu nalag ban am kanya fag ngay taw at ugali ay at ngay fakamulun, ay sumaful ban am te, matuyan ku nafakamulun sa sangay taw tagbanwan sis furuan Erusalem. Au, Fun Dius Yawi, taglong tuy.”

Usea 2:14

Dewa katanya, nantaban au anya sas talun at yud e taw ay nandog au namaylatan anya yakmay nesug angku.

Usea 2:6

Nu katanya, nangubung kwan anya sik madugi fag fangalad laman wa maduksun.

Amus 5:8

Ay Dius nawat ngay galeme tagfulan at ngayan te, Pleyades ay Uryun. Dius yangay tagfae yamag ay dulum, ay tagfae menit ay yabi. Kanya nafatulbu dagat at mamam sas linyabu, laman gfae arak. At ngayan, Yawi.

Lukas 3:5

Fagayu buknga buksul umkapnu ban, fagayu fungsu ay buksul umdatag ban, ay ngay dalan at mabaraud umturun ban, ay ngay tagubungan dalan umdalusan ban.

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Efesu 5:8

Ebi gbanwan am sis fagmadulumun, ay katsi tam Fun nafasa tua ayu sad mayamag. Ugalii at masine kata nu si am sad mayamag.

Ebreu 13:5

Lag am galabian salapi. Useganani wan nusnga seyu ay ramraman. Aroro Dius nalong te, “Kdi gubun ay kdi gfabayan emu.”

Uswe 3:4

laman ro sumaful am te, dada ro ay dalan, aroro yam batang glao sanya. Dewa katanya, lag am kakbang sas Fagsuadan Nasadian; fasik kilumetrui ay kayayuan.”

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.