Isayas 42:11 - Fanawbuid tagsibaliwas Fakayabian

¹¹ Segi anya, fagayu am fag ngay furuan sat magong fag talun ay anggan am fag ngay taw Kedar. Ngay taw Sela, alubadi useganani. Uroi useganani tagsis sangay tungud buksul.

Isayas 42:11 ပူးပေါင်းရင်းမြစ်များ

Fakasigadan 25:23

Ay Yawi nalong sa anya te, “Tagsi am ungdan fag duak sisian, kanya ban duak talun at taw, ay kanya ban fag duak gaban gawayan. Ay at sadi ban amabalyanan yap tua. Ay at kaka ban gafagsuguanan way sat arian.”

Alubad. 120:5

Afanyuan au, aroro nu gbanwan au magamut way sit mauri fag ngay taw sis Mesek ay sis Kedar.

Isayas 12:5

Alubadi sas Yawi aroro at ngay nafakamulun madulo. Ay foyungi sa sangay taw sas fagdaul daga.

Isayas 16:1

Ngay taw Muab at nalagyu sas Sela fag furuan, sik furuan tagsis tagalagnasun fag talun, foni sik ngay tupa riangan laman famonun sas Erusalem at fun.

Isayas 21:16

Fun Dius nalong sa angku te, “Kaduge way ban sik banwa, ngay taw Kedar at fagmabalyananun umkalyam wan.

Isayas 32:16

Ay sis talun at yud e taw ay sit masine fag daga, nu e gfawabilugan, matuyan tua.

Isayas 35:1

Ay at matat fag talun guseganan ban kata sik taw nu guseganan. Ay gbarugwak ban sanya at ngay makmak.

Isayas 35:6

Ay at yud malo fag ngay taw nanfanulbuan kata sik kambing talun at kaksvnan nu guseganan, ay at yud maringang nanguro tua aroro gfanagsag. Mamam ban gfamilugan tua sat matat fag talun, ay at ngay bulbug gfamilugan sa sangaba talun.

Isayas 40:3

Ay e sik aringang guro te, “Falganani Yawi at dalan sis talun at yud e taw. Faturunani tam Dius at fagnanloan.

Isayas 43:19

aroro katsi saman wan ku fakamulun, wa kata ebi, ay kafasludan wan. O nunda wam glag? Nangawat au sik dalan ay sik ngay bulbug sat magong fag talun.

Isayas 52:7

Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Isayas 60:7

Ngay taw Kedar ay ngay taw Nebayut namon ban sa emu at ngay tupa, ay kanya wan at masine fag ngay fanggalangun sa angku laman gfauseganan ktua ku bale.

Eremyas 21:13

Ku ngay fawayan fag ngay taw Erusalem tagbanwan sis tungud buksul fag datag, kamatungudun am glong te, “We manamawayan antam ste tam fagbanwanan at mogat!”

Eremyas 48:28

Loi wan siginan ay furuan ay namanwan am sa tagagangun fag talun, kata ngay alfasang nu gfugad sa sangay luib si tangabat fag fungsu.

Eremyas 49:16

Gfaseg wayam ay ngay sadili, siginan nu kamatungudun am glong te, we mababo ayu aroro gbanwan am sis wa gang tagsis tungud fungsu. Dewa ban am kata sik bio tangabat nu glayug, ay dewa ban am nawat ay fagbanwanan kabat bio at fagfugadan, gfatong kway ban ayu. Au, Yawi, taglong tuy.”

Eremyas 49:31

Au Yawi, nasugu kwan sa anya fagayu te, namawayan am ngay taw at manabayan ay at yud e fagafanawaun. At sakbawan furuan we dingding, ay kanya way lang fagayu tagbanwan sit furuan.

Esekyel 27:21

“ ‘Ay ngay taw Arabya ay ngay fun sis talun Kedar nanamabangsi yangay sa emu. Ay kanya fagayu at famayad ngay tupa ay ngay kambing.

Ubadyas 1:3

Gfaseg wayam ay ngay sadili, siginan nu kamatungudun am glong te, we mababo ayu aroro gbanwan am sis wa gang tagsis tungud fungsu.

Naum 1:15

Ngay taw Uda, banawani sa sangay buksul! Kadasug wan sik tagfoyung at masine fag barita tagfae fagmanabayanun ayu. Nu katanya, afuli useganani, ay fafasludani ay ngay fatuyanan sas Yawi, aroro at mauri fag ngay taw wa ban namawayan ya ayu, abat ngate, umkamin wan.