Isayas 42:10 - Fanawbuid tagsibaliwas Fakayabian

¹⁰ Alubadi sik bagu fag alubad sas Yawi! Fagayu am tagsis fagdaul daga, alubadi sik ngay famauseganan anya. Segi yangay anya, fagayu am tagsis sakayan lino, ay fagayu tagbanwan sa tangayayu fag ngay talun tagsis wabilug dagat.

Isayas 42:10 ပူးပေါင်းရင်းမြစ်များ

1 Krunika 16:32

Fagdaul dagat ay fagayu tagsanya, fauseganani yangay Yawi! Ngay gamasun ay anggan ngay tanum, uroi useganani!

Alubad. 150:6

Fagayu am at ke leleg, alubadi segi Yawi. Segi Yawi!

Alubad. 33:3

Alubadi sa anya sik bagu fag alubad; fawangi sa anya at masine fag awang, ay useganani uroi sa anya.

Alubad. 40:3

Ay kanya nafoyung angku sik bagu fag alubad laman famauseganan anya. Ngay taw nu nalag takatanya, gsuyu ay gafanud sas Yawi.

Alubad. 65:5

Dius em tagfalangfe, nabalus tuo em darangin, ay nafalangfe tuo ay nafalag sa emi am ngay nafakamulun at madulo. Ay fagayu taw tagsas dife dagat anggan ngay taw sas fagdaul daga gseg tua emu.

Alubad. 72:10

Tarsis ay anggan ngay furu tagsis wabilug dagat at ngay fun ay Syeba ay Seba at ngay fun, namon nangus at ngay famonun sa anya.

Alubad. 96:11

Banwa ay fagdaul daga, useganani! Ngay dagat ay fagayu tagsanya, fauseganani yangay Yawi!

Alubad. 97:1

Yawi gfunan, nu katanya, fagdaul daga ay fagayu furu tagsis swabilug dagat, useganani anya.

Nu Galin 15:1

Muisis ay ngay taw Israel galubad sik alubad sas Yawi te, “Galubad au sas Yawi aroro kanya nababo wan. Ay naukas sas dagat ngay kabayu ay ngay tagsakay sanya.

Nu Galin 20:11

Kaduge unumk menit, nawat au banwa, ay daga, ay dagat, ay fagayu tagsanya, ay natungkud au sis fafituk menit. Nu katanya, nafili kwan Famiangalay fag Menit, ay tuy at nafasamanan fag menit laman sa angku.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 12:5

Alubadi sas Yawi aroro at ngay nafakamulun madulo. Ay foyungi sa sangay taw sas fagdaul daga.

Isayas 42:4

Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Isayas 44:23

Banwa, alubadi useganani! Fagdaul daga, uroi! Am fag ngay buksul ay fag ngay araw, alubadi! Aroro Yawi ban namalangfe Akub at ngay kasugfunanan, ay namasure at fagmabalyananun sa sangay taw Israel.

Isayas 48:20

Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 51:5

Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 60:6

Ay ay talun umkapnu kamelyu siginans Midyan ay Efa. Ay kanya fag ngay taw siginans Syeba umdasug sa emu gbuba gintu ay ngay famaebebanglu fag lune laman nanseg Yawi.

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Isayas 65:14

Ku ngay fagsuguan ban galubad tua guseganan, dewa katanya am ban gwayway wayam kabalu ay gidapan ay ngay amatanganan.

Sefanias 2:11

Yawi namadulo anya fagayu siginan nu grufa fagayu fagsegan sas fagdaul daga. Nu katanya, ngay taw sa tangayayu fag ngay talun sumeg yangay Yawi sit mesa talun.”

At Nafasure 14:3

Ay kanya fagayu galubad sik bagu fag alubad sis salubangan faglunggungan ay sas ufatk tagleleg fag awatan ay sa sangay fagtainan. We taw masaful kafag alubad nu bunway kafag 144,000k taw at kinlangfe tagsiginans fagdaul daga.

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.