Isayas 41:9 - Fanawbuid tagsibaliwas Fakayabian

⁹ nafili au emu ay nabul siginan sangay fungfung daga. Ay nalong au emu te, “O wan ku fagsuguan.” Nafili au emu ay kdi ban gaiyan.

Isayas 41:9 ပူးပေါင်းရင်းမြစ်များ

Alubad. 135:4

Aroro kanya nafili tua ngay taw Israel, Akub at ngay kasugfunanan, laman at ngay taw.

Alubad. 94:14

Yawi, dewa katanya, di ban o gaiyan am nafili fag ngay taw.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Isayas 41:2

Sinu at nafili sik tagbabo siginans fakamenitan laman kanya gbabo nusnga nday? Ay sinu at nafagbilug sa anya ngay fun ay ngay talun at ngay taw? Kanya nafakata lukbu at ngay fawayan siginan at fiso, ay nafakata sik upa siginan at godun.

Isayas 41:8

Dewa katanya, Israel, o wan ku nafili ay ku fagsuguan, ku fagadgalangan Abrayam at kasugfunanan,

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 44:1

Dewa katanya, katsi, Israel ku fagsuguan, dungugani. Akub at kasugfunanan, nafili au emu.

Isayas 45:4

Nafili au emu laman nanggubuk o ku fagsuguan ay ku nafili fag ngay taw Israel. Nafauseganan au emu gina o yud natoglag angku.

Malakyas 1:2

Yawi nalong te, “Kesug au ayu. Nu katanya, wain ay fagintoun yay te, ‘Tain nu kesug o emi?’ O nunda wam nasaful te, Isaw ay Akub dewa duksay, ku fakesugun Akub tua,

Lukas 13:29

Ay umdasug ban ngay taw siginans fakamenitan ay siginans fakayabian ay siginans fawalan ay fasiunan, laman malunggung sas fagfangonan sis Dius at fagfagtainanan.

Deuterunumyu 14:2

aroro am wan tam Dius Yawi at nafili fag ngay taw. Siginan fagayu taw sas fagdaul daga, am wan at nafili laman at fagagbilugun.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.

1 Samwel 12:22

Yawi di gfabayan ayu, aroro kanya nafili tua ayu laman at ngay taw.