Isayas 41:8 - Fanawbuid tagsibaliwas Fakayabian

⁸ Dewa katanya, Israel, o wan ku nafili ay ku fagsuguan, ku fagadgalangan Abrayam at kasugfunanan,

Isayas 41:8 ပူးပေါင်းရင်းမြစ်များ

2 Krunika 20:7

Em Dius, o nunda wo naiyan wan ebi fag ngay taw tagbanwan ste fag talun siginan nu gagbilug o am ngay taw Israel, ay nafon o sa sangay taw Israel am fagadgalangan Abrayam at ngay kasugfunanan laman at talun ban kabavn?

Alubad. 135:4

Aroro kanya nafili tua ngay taw Israel, Akub at ngay kasugfunanan, laman at ngay taw.

Alubad. 136:21

Kanya nafagbilug kafag ngay fun at talun sat nafili fag ngay taw laman at fagagbilugun. Nu mafangesug di e fakatabuan.

Alubad. 136:22

Kanya nafagbilug kafag talun sat fagsuguan fag ngay taw Israel. Nu mafangesug di e fakatabuan.

Alubad. 33:12

Mauseganan sik talun at ngay taw, at Dius nu Yawi tua. Ay mauseganan at nafili fag ngay taw aroro anya wa fia.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Isayas 29:22

Nu katanya, Yawi, at nafalangfe Abrayam, glong sas Akub at kasugfunanan te, “Siginan ban katsi, kanya fagayu di e fakaplaun ya ay di e fagafanawaun.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 42:19

Am wan ku ngay fagsuguan ay ku ngay nafili. Nasugu au ayu laman ku ngay taglong, ay dewa katanya, we taw kaksvn ayu nu yud gdungug ay nu yud glag.

Isayas 43:1

Israel, katatuy Yawi, at nawat emu, at fagyalongun sa emu: “Dangay o kalimu aroro namalangfe au emu. Nauro au am ngayan, ay au wan am tagagbilug.

Isayas 43:10

Ngay taw Israel, am wan ku tagfatuyan. Nafili au ayu laman ku ngay fagsuguan, laman sumaful am angku ay gafanud tuam sa angku, ay anggan sumaful am te, au wan Yawi. We dius at naguna angku, ay wa ban e dius ya tagguyan angku.

Isayas 43:5

Lag o kalimu aroro au wan am ufud. Namaful kyay ban fagayu am ngay kasugfunanan tagsis fakamenitan ay tagsis fakayabian.

Isayas 44:21

Yawi nalong te, “Israel, amatangi takatanya, aroro ku fagsuguan o. Au at nawat emu laman namaning o angku, ay kdi ban kalyam emu.

Isayas 45:4

Nafili au emu laman nanggubuk o ku fagsuguan ay ku nafili fag ngay taw Israel. Nafauseganan au emu gina o yud natoglag angku.

Isayas 48:12

Ku nafili fag ngay taw Israel, dungugani. Au wan Dius; au wan at fakasigadan ay at fakatabuan.

Isayas 49:3

Kanya nalong sa angku te, “Israel, o wan ku fagsuguan. Ay aroro sa emu, ngay taw ban namauseganan angku.”

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Eremyas 33:24

“O wo nadungug kafag ngay taw nu glong te, ‘Yawi naiyan wan at nafili fag duak fagfagtainanan.’ Nu katanya, kanya fagayu gfalingun ku nafili fag ngay taw ay wa glong ya te, kanya fagayu sik talun at ngay taw.

Lebitiku 25:42

Am wan ku ngay fagsuguan, am fag ngay Israel ku nafalfas siginans talun Igiptu. Nu katanya, lag am gfae bayad ay ngay sadili laman sik fagsuguan.

Malakyas 1:2

Yawi nalong te, “Kesug au ayu. Nu katanya, wain ay fagintoun yay te, ‘Tain nu kesug o emi?’ O nunda wam nasaful te, Isaw ay Akub dewa duksay, ku fakesugun Akub tua,

Mateu 3:9

Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Galasya 3:19

Nu katanya, wain at fagnafonun yay Muisis at Faugali? At fagnafonun laman ngay taw sumaful te, e asalanan, ay umfasludan takatanya sitsigon at nafatuyanan sas Abrayam at kasugfunanan. Dius nafon kafag faugali sat ngay tagbarita, ay kafag ngay tagbarita nafoyung sa sangay taw siginan sik tagwabilug.

Deuterunumyu 10:15

Dewa katanya, Yawi nafili ay ngay mangaguyang laman kesug ay nafili ayu at kasugfunanan sas fagayu talun, ay dasug katsi am yay gugat at nafili laman at ngay taw.

Deuterunumyu 14:2

aroro am wan tam Dius Yawi at nafili fag ngay taw. Siginan fagayu taw sas fagdaul daga, am wan at nafili laman at fagagbilugun.

Santiagu 2:23

Ay anfasludan wan Dius at Longan te, “Abrayam gafanud sas Dius at longan ay Dius natap anya kata nu yud e asalanan.”