Isayas 41:5 - Fanawbuid tagsibaliwas Fakayabian

⁵ Ngay taw tagsiginan tangayayu fag ngay talun sis wabilug dagat, ay anggan sas fungfung daga, nalag ku nafakamulun, ay kanya fagayu kalimu. Ay kanya fagayu ankakbang sa angku ay anful,

Isayas 41:5 ပူးပေါင်းရင်းမြစ်များ

Fakasigadan 10:5

Kanya fagayu Afet at ngay baguama at nanamanwan sa sangay tigyangan dagat ay sa sangay furu. Ay galay sik gaban e mesa talun ay e mesa daga ay e mesa fangaringang.

Alubad. 65:8

Anggan ngay taw tagbanwan sa tangayayu fag ngay furuan kalimu emu, aroro sam ngay nafakamulun at madulo. Siginans fakamenitan anggan sas fakayabian, ngay taw guro guseganan aroro sa am nafakamulun.

Alubad. 65:9

Galaga o ay gfarugme daga laman umke ngay fananumun. Em Dius, gfae familugan o gugat ngay liskung. Nu katanya, ngay taw kae gutluan tua. Kanya fag ngay buknga am nafalganan wan.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Nu Galin 15:14

Ngay talun at ngay taw nu nadungug, kanya fagayu gtadtaruyan kalimu. Ngay taw Filistia ban umlimu maksvn.

Isayas 41:1

Yawi nalong te, “Am fag ngay taw tagsiginan sangay talun tagsis wabilug dagat, ragangani ay dungugani angku. Ay am tagsiginan tibak talun, faksvni ay amatanganan ay akbangi sa angku, ay nangaful tam sas fagnanginsafulan.

Isayas 41:6

ay gudgubukan ay gfadfasunan.

Esekyel 26:18

Katsi am fagfunanun fag ngay taw tagbanwan sis tigyangan dagat gtadtaruyan kalimu aroro nababawan wo.’ ”

Uswe 2:10

Nadungug ami nu setain Yawi nu gfaragang Dagat Maraska laman ay dalan, ginam glao siginans talun Igiptu, ay nu setain nu gfabul Sikun ay Ug, ngay taw Amur at fun fagdua, sis dife Liskung Urdan.

Uswe 5:1

Ngay taw Amur at ngay fun tagbanwan sis Urdan sfakayabian baliwa, ay ngay taw Kanaan at ngay fun sis tigyangan Dagat Mediteranyu nadungug te, Yawi nafatat Liskung Urdan gina ngay taw Israel gdife. Kanya fagayu kalimu ay wa makatu namawayan ngay taw Israel.