Isayas 41:24 - Fanawbuid tagsibaliwas Fakayabian

²⁴ Dewa katanya, at matuyan, wam e nafakamulun ay wam e masuad. Ngay taw tagseg ayu maksvn nu mauri.

Isayas 41:24 ပူးပေါင်းရင်းမြစ်များ

Alubad. 115:8

At nawat kafag ngay fagsegan ay fagayu tagseg, umkata kafag ngay fagsegan.

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

Fangatulun 3:32

Aroro Yawi kauri maksvn ngay taw at yud matuyan at amatanganan, dewa katanya, kanya guseganan tua tagugali at matuyan.

Isayas 37:19

Kanya fagayu nafamin wan fagayu at ngay fagsegan ay naukas sasad afuy. Aroro kanya fagayu bunwa at matuyan fag dius; sik ngay kayu way ay ngay gang ngay taw at nawat.

Isayas 41:29

Kafag ngay fagsegan we masuad, ay we fagmafafakamulunun, kata way sik tagmara.”

Isayas 66:24

Ngay taw tagseg angku gina gduksun siginans Erusalem, kanya fagayu lumag at mabulan fag ngay taw at nafamabo angku. Ay ngay ulud takon anya fagayu wa kabul, ay afuy tagirug anya fagayu wa karabung. Ay fagayu ban taw kauri kafag ngay taw takamabo.”

Eremyas 10:14

Ngay taw tagseg ngay fagsegan sik yud way mamatanganan ay yud e fagsafulun. Ngay takawat gintu umkapla sat nawat fag ngay fagsegan, aroro at awatan bunwa at matuyan fag fagsegan. Kanya fag ngay fagsegan wa gleleg,

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 10:5

At ngay fagsegan kata sik taw famalimu manuk tungud sis gamasun. Ngay taw namuba way aroro wa gleleg. Lag am kalimu kafag ngay fagsegan aroro wa mafakamulun at mauri ay wa yangay mafakamulun at masine.”

Eremyas 10:8

Ngay taw tagsiginan tibak talun kamaogatun at ngay amatanganan, ay we fagsafulun ay tagfoyung anya, at yud way e tungkul fag ngay fagsegan at mawatan siginans kayu.

1 Kurintu 8:4

Nu katanya, sabaliwas fakonun at nafon sat yud matuyan fag ngay fagsegan, saful watam te, ngay fagsegan bunwa kanya at matuyan fag Dius, ay tam Dius sadi way.

Deuterunumyu 27:15

“Umfaurianan ban nangus fagayu taw takawat ngay fagsegan at mawatan siginans gang, ay gintu, ay nu nanseg way yud e gsaful. Aroro Yawi maksvn nu kauri taw at nawat fag ngay fagsegan.” Ay fagayu ban taw gbalus te, “Anud!”

Deuterunumyu 7:25

Nangirug am at ngay fagsegan, ay lag am galabian at gintu ay at sanbung salapi. Lag am gbul takatanya aroro sik famaylatan way sa ayu. Ay saruyani takatanya fagayu aroro maksvn nu mauri sa ay Dius Yawi.

Deuterunumyu 7:26

Lag am gbuba sa ay bale nusnga setaw at maksvn nu mauri, laman diam umkamin gasfuan kafag ngay fagagbilugun. Tuyani te, takatanya fag fagagbilugun masuya, ay masine nu kamin wan.

At Nafasure 17:5

Ay e sik masuksukan fag ngayan at marirukan si kafag mangena at dangasan: Babilunya wan fag furuan daul at mabalyanan, fagayu takamatugtug ay fagayu ke fagmauriun sas fagdaul daga at mina.