Isayas 41:21 - Fanawbuid tagsibaliwas Fakayabian

²¹ Yawi, Israel at Fun nalong sa sangay fagsegan te, “Agvd, longi ay famayudi kata ay fagsafulun!

Isayas 41:21 ပူးပေါင်းရင်းမြစ်များ

Ub 31:37

Ay gfoyung au sas Dius fagayu ku nafakamulun ay nansalubang au anya kata sik funan at yud kapla.

Ub 38:3

Falganani, nanginto kro sa emu, ay balusi ro angku.

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 41:1

Yawi nalong te, “Am fag ngay taw tagsiginan sangay talun tagsis wabilug dagat, ragangani ay dungugani angku. Ay am tagsiginan tibak talun, faksvni ay amatanganan ay akbangi sa angku, ay nangaful tam sas fagnanginsafulan.

Isayas 43:15

Au Yawi, ay Dius at yud e malong, at nawat ayu, ngay taw Israel. Au ay Fun.

Isayas 43:9

Ay uroi ngay taw sa sangay talun. Kafag ngay taw at fagsegan wa mafoyung takafasludan sas fagunan, ay wa batang gfoyung at kinfasludan wan. Fastiei tagfatuyan kafag ngay fagsegan at longan, laman ngay tagdungugan lumong te, anud, matuyan.

Isayas 44:6

Yawi wan Israel at Fun ay at Tagfalangfe. Yawi at Mabalyanan nalong te, “Au wan fagsigadan ay fakatabuan. We tibak dius sas day angku.

Isayas 46:10

Siginan ngay sfagsigadan nalong kwan takafasludan ban. Ay fagayu ban ku ngay nalong umfasludan, ay namakamulun kban nusnga setaw ku fagyafakamulunun.