Isayas 41:19 - Fanawbuid tagsibaliwas Fakayabian

¹⁹ Ay namatugbung au sat magong fag talun ngay fun kayu tagbia ay tagsaman saman,

Isayas 41:19 ပူးပေါင်းရင်းမြစ်များ

Isayas 27:6

Umdasug ban sik menit ngay taw Israel, Akub at ngay kasugfunanan, umke lalid yay kata sik tanum. Ay kanya ban umke ngay sanga, ay umke ngay barugwak, ay rumawvg ngayu, anggan umkapnu sas fagdaul daga.

Isayas 32:15

Umfasludan wa fia takatanya yakmay ban umdasug at Masine fag Falad siginans banwa. Nu katanya, sanya ban fag talun umsik masine tua fag daga ay umsik araw.

Isayas 35:1

Ay at matat fag talun guseganan ban kata sik taw nu guseganan. Ay gbarugwak ban sanya at ngay makmak.

Isayas 43:19

aroro katsi saman wan ku fakamulun, wa kata ebi, ay kafasludan wan. O nunda wam glag? Nangawat au sik dalan ay sik ngay bulbug sat magong fag talun.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 55:13

Abat ngate dugi dauy tagtugbung sanya fag daga, altimu tua. Ay abat ngate tanulung, sik dingin tua. Ay at ngay kinfasludan takatanya gfae fagusegananun tua ban angku. Ay kanya ban tagfalag te, mabalyanan au kabavn.”

Isayas 60:13

Namagbilug kban sa emu Lebanun at ramraman: at masine fag ngay fun kayu laman famasine ku bale.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 61:11

Aroro nu setain ngay fananum nu gtugbung sis daga, katanya yangay Yawi tam Fun nu gfasure fagmasineun ay famauseganan sas fagayu talun.

Esekyel 47:12

Ngayuk dalan kayu gtugbung ay grawvg gsumbalian kafag liskung. Ay at ngay don di kalangke ay at ngay rawvg di kamin. Galay magdanun grawvg tua, aroro mamam gfamilugan tua sa anya siginans Dius at bale. Ay at ngay rawvg kaon tua, ay at don famafia.”

Usea 14:8

Ngay taw Israel, ayayui wan siginans ngay fagsegan. Ay gbalus kban ay ngay darangin, ay kafanyu kyangay ayu. Ay gufud kban ayu, kata sik fun dingin nu glanbung ayu. Au yangay tagfayu ayu.”