Isayas 41:18 - Fanawbuid tagsibaliwas Fakayabian

¹⁸ Namae familugan au mamam sat yud e gtugbung fag ngay buksul, ay namae ngay bulbug au sa sangay datag. Ay at matat fag talun umke mamam, ay at ngay kin-gong fag daga umke ngay bulbug.

Isayas 41:18 ပူးပေါင်းရင်းမြစ်များ

Alubad. 104:10

Nafae ngay bulbug o sa sangay datag, ay mamam gfamilugan sa sangay buknga buksul.

Alubad. 105:41

Ay kanya nabaltak gang, ay anke mamam ay nafamilugan, ay ansik liskung sat matat fag daga.

Alubad. 107:35

Kanya mafae ngay bunaw sis talun at yud e taw, ay mafae ngay bulbug yangay anggan sat matat fag ngay daga.

Alubad. 126:4

Yawi, fafolii yap em fagmanabayanun, kata sik liskung at nadog yay anke mamam.

Alubad. 46:4

Siginan Tiba Tungud fag Dius at fagbanwanan, e sik liskung tagfae fagmanabayanun sa sangay taw tagsis Dius at furuan.

Isayas 12:3

Nu setain sik mamam marios nu mafafauseganan sik taw takadanum, katanya yangay anggan am, useganani sas Yawi siginan at nafalangfe ayu.

Isayas 30:25

Ginanya ban fag ngay menit, gina e gfabul ay ngay fawayan ay e grasras at ngay bale fagulitan, mamam ban gfamilugan siginan sangay fungsu ay buksul tangabat.

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 33:21

Sanya wan Yawi nu gfalag sa antam te, kanya tua tam Dius at Mabalyanan. Erusalem umkata sik furuan at ke tagbia fag mamam ay ke bulbug, ay at ngay fawayan at ngay sakayan lino wa madife sanya.

Isayas 35:1

Ay at matat fag talun guseganan ban kata sik taw nu guseganan. Ay gbarugwak ban sanya at ngay makmak.

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 48:21

Ay kanya fagayu di ndanum gina Dius gtaban anya fagayu sit magong fag ngay talun, aroro kanya nafasure mamam siginan sad gang at nafon sa anya fagayu. Ay kanya nabaltak sik gang, ay mamam nafamilugan sanya ginan.

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Uel 3:18

Ginanya ban fag buknga, umramraman am. Ay umkapnu ban sa ay ngay fagsuadan ngay fanlangu siginans wat ubas. Ay umkayu yangay ban ay ngay baka ay ngay kambing sa sangay fagnamafangonan. Ay ay ngay liskung ban di kalanggang. Ay e gbulbugan ban siginans Yawi at bale ay nanfamilugan sa sangay fun akasya fag datag.

Sakaryas 14:8

Ginanya ban fag menit, siginans Erusalem e sik mamam malyo gfamilugan. Ay sik afud mamam nanfamilugan sas Dagat at Mabulan ay sik afud nanfamilugan sas Mediteranyu fag Dagat. Ay gfamilugan tua gugat dewa mangune ay abagat.

At Nafasure 22:1

Sanya ginan kafag tagbarita nafalag sa angku sik tagfon leleg fag liskung, malyo mandi, gbulbugan siginans Dius ay Tupa Riangan at faglunggungan,

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”

Tagfangguna 15:19

Nu katanya, Dius nafaduksun mamam sa sik karang sis Leki. Samsun nu nainum, anfoli at fagmabitsugun. Ay kafag karang ansik bulbug ay nafangayan te, En-Akure. Dasug katsi kanya fag bulbug si yays Leki.