Isayas 41:17 - Fanawbuid tagsibaliwas Fakayabian

¹⁷ Ku ngay taw at yud e kwa grvbvy mamam, ay we nalag, ay at kaksvnan nu kadanum ankatat wan at ngay lislis; au Yawi, taggubuk anya. Au Israel at Dius kwa gfabayan anya.

Isayas 41:17 ပူးပေါင်းရင်းမြစ်များ

Fakasigadan 28:15

Amatangani gugat te, galo ktua ban gugat emu ay gdiri nusnga nday ban nu kadasug o. Namafoli kban emu stae fag talun, ay kwa gfabayan emu anggan ban umfasludan ku fatuyanan sa emu.”

1 Fun 17:8

Ay Yawi nalong sas Elyas te,

2 Krunika 6:17

Nu katanya, Yawi, taw Israel at Dius, fafasludani am fatuyanan sa am fagsuguan Dabid.

Alubad. 22:15

Ay momuy kwan, kata at kinrufa fag tikung, ay ku leplep ankatat wan ay andafut sa ku basad bibig. Yawi, nafabayan wo angku sis wa lukbu, ay ankata au sik mabulan.

Alubad. 34:6

Gina au yud e fagsegun ya, nadarangin au sas Yawi, ay kanya nabalus tua ay nafalangfe angku siginan ku fagidapun.

Alubad. 37:25

Siginan nu masisian au dasug katsi, kya batang glag Yawi nu gfabayan at matuyan fag ngay taw, ay at ngay sisian nu gfangetan.

Alubad. 42:2

Tagleleg fag Dius, kaylat kwa daul nangakbang sa emu. Ginain ya ban manga nu mananseg au emu?

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Alubad. 74:21

Lag o nangus gfabayan at yud e kwa nu gafaplan. Abat ngate, gfauseganan tua nangus emu.

Alubad. 94:14

Yawi, dewa katanya, di ban o gaiyan am nafili fag ngay taw.

Nu Galin 17:3

Dewa katanya, ngay taw Israel maksvn nu kadanum, ay gfataglayun gfayud Muisis te, “Wain ro am fagnafaloun emi siginans talun Igiptu nu nangabul way ngap mi lang stae ay nangadanum anggan em ngay sisian ay anggan em ngay fagbaugun?”

Nu Galin 17:6

Namanya au emu si sik gang sis Kureb. Ay nu sanya wa ro wo, falangi kafag gang, ay mamam ro gduksun laman ngay taw e fanginum.” Nu katanya, Muisis nafakamulun takatanya sis Israel at ngay fagtainan at daga salubangan.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 43:20

Fagayu ban mangilafang gfauseganan angku, gasfuan ngay idu talun ay ngay ebo, aroro namae bulbug kban sat magong fag talun, laman ku nafili fag ngay taw e fanginum tua.

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 48:21

Ay kanya fagayu di ndanum gina Dius gtaban anya fagayu sit magong fag ngay talun, aroro kanya nafasure mamam siginan sad gang at nafon sa anya fagayu. Ay kanya nabaltak sik gang, ay mamam nafamilugan sanya ginan.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Isayas 55:1

Yawi glong te, “Iste wan mamam! Fagayu am takadanum akbangi! Dewa am at yud e famayad, akbangi ay inumi! Gewan wan, buli fanginum ay susu bilug!

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Isayas 65:24

Ay kanya ban fagayu gina nanget ay gina get, gbalus kwan at darangin.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Eremyas 31:25

Ay ginanya ban gfafiangalay au fagayu takalufuy ay gfabitsug kban fagayu at mamomuy aroro kalunus. Nu katanya, ngay taw ban glong te,

Takabalu 4:4

At ngay ngenge at leplep andafut wan sat ngay bibig. Ngay sisian get fakonun, dewa katanya, we gfon.

Esekyel 47:8

Ay kanya fag taw nalong sa angku te, “Tuy fag mamam gfamilugan sas fakamenitan baliwa fag talun tagsas Araba sas Dagat at Mabulan. Ay kanya fag dagat masine tua ay di mayat.

Mateu 5:3

“Mauseganan ngay taw at yud e kwa tagsarig tua Dius, aroro Dius gfagtainan tua anya.

Mateu 5:6

Mauseganan ngay taw nu kaylat tua gfakamulun Dius at fakaylatun, aroro Dius ggubuk tua ban anya.

Lukas 16:24

Ay at maramraman fag taw nauro te, ‘Fagtainan Abrayam, afanyui angku ay sugui Lasaru, laman gfasurung at langbud sumyu ay gfabasa ku leplep aroro gidapan au maksvn ste sad afuy.’

2 Kurintu. 12:9

Ay kanya nabalus angku te, “Ansak wan ku fagmagalangun sa emu, aroro ku fagmabalyananun kalag si emu gina o mamomuy.” Nu katanya, maksvn nu guseganan au kamatungudun sa baliwa ku fagmamomuyun laman tam Fun Isus at fagmabalyananun si tua gugat angku.

At Nafasure 21:6

Ay kanya glong yangay fia sa angku te, “Anfasludan wan. Au wan taguna ay taguyan, ay at fakasigadan ay at fakatabuan. Nusnga sinu takadanum, gfainum au yud e bayad fag mamam tagsiginans bulbug tagfon leleg.

At Nafasure 22:17

At Masine fag Falad ay Tupa Riangan at bubay glong te, “Gewan.” Ay fagayu at nadungug tuy at masine nu glong yangay te, “Gewan.” Ay nusnga sinu takadanum, akbangi, ay nusnga sinu takaylat, buli at yud e famayad fag mamam tagfon leleg.