Isayas 41:14 - Fanawbuid tagsibaliwas Fakayabian

¹⁴ Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 41:14 ပူးပေါင်းရင်းမြစ်များ

Ub 19:25

Dewa katanya, nasaful kwa te, ku tagfalangfe gleleg tua, ay abandi ban kanya umdasug stie sdaga.

Ub 25:6

kaugat wa ro ngay taw takata way sik ngay ulud.”

Alubad. 19:14

Yawi, o wan ku fagsarigan ay ku tagfalangfe. Nangus ku amatanganan ay ku longan maylat tua sa emu.

Alubad. 22:6

Ngay taw gfalingun ay gfapla angku glong te, bunwa au sik taw ya, nu bunway kata kway lang sik ulud.

Alubad. 46:5

Dius gbanwan sanya, nu katanya, di ban kaiklas. Siginan sbalabag, Dius galaga wan.

Alubad. 78:35

Ay kanya fagayu namatang te, Tiba Tungud tua fag Dius at fagsarigan fag gang ay at Tagfalangfe.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 43:14

Ngay taw Israel, Yawi ay tagfalangfe, ay ay Dius at yud e malong glong te, “Namadasug au sas Babilunya sik ngay tagfawayan tagsiginan tibak talun, ay ngay taw Babilunya glagyu gsakay sit fakamatungudunun fag ngay sakayan lino. Namakamulun kban takatanya laman sa ayu.

Isayas 43:3

Aroro au Yawi am Dius, Israel at Dius at yud e Malong, ay am Tagfalangfe. Namon au ngay taw Egiptu, Etiupya, ay Seba sa tibak talun at ngay taw, laman famangsi emu.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 44:6

Yawi wan Israel at Fun ay at Tagfalangfe. Yawi at Mabalyanan nalong te, “Au wan fagsigadan ay fakatabuan. We tibak dius sas day angku.

Isayas 47:4

Tam Tagfalangfe, Yawi at Mabalyanan, Israel at Dius at yud e Malong.

Isayas 48:17

Yawi ay Tagfalangfe, Israel at Dius at yud e Malong glong te, “Au, ay Dius Yawi at nafoyung ayu te, tain at masine sa ayu, ay au tagtaban ayu sat matuyan fag dalan.

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Isayas 54:8

Nu katanya, sik buknga sirut naubun au emu aroro ankuri au emu. Ay dewa katanya, anfanyu ktua emu, aroro nu mafangesug au, di e fakatabuan. Au, Yawi, taglong tuy.

Isayas 59:20

Yawi nalong te, “At namalangfe ban Akub at ngay kasugfunanan kadasug sas Siun, ay kanya namalangfe fagayu at naubun at ngay asalanan.

Isayas 60:16

Ngay talun ban ay ngay fun galaga emu kata sik mangena nu gfasusu at ngenge. Nu katanya, sumaful ban o te, au Yawi, am Tagfalangfe, Akub at Dius at Mabalyanan.

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Eremyas 46:27

Ngay taw Israel, ku fagsuguan Akub at ngay kasugfunanan, lag am kamomuy ay kalimu aroro gfalangfe kban ayu siginan tangayayu fag talun nu inda nu gatabanan am. Gdog yay ban am namanwan manabayan, ay wa ban e kadasug ya sa ayu fagidapun, ay we mafalimu ya ayu.

Eremyas 50:34

Au wan Yawi at Mabalyanan kanya fagayu at tagfalangfe. Ggubuk au anya ay gfae fagmanabayanun, dewa katanya, namaurianan kban tagbanwan sis talun Babilunya.

Takabalu 3:57

Ay andasug tuo, ay nafasun angku te, lag au kalimu.

Daniel 10:12

Kanya nalong sa angku te, “Daniel, lag o kalimu. Aroro Dius nabalus wan am darangin gina yay taguna fag menit nu kamababaun o sas Dius ay gina o gyasafulun am taginfan at masuad. Nu katanya, nastie au laman namoyung au sa emu at famalus am darangin.

Usea 11:9

Ay kwa ban gfasure ya at maksvn ku dotama. Ay kwa ban gfamin ngay taw Israel, aroro au wan Dius bundi au taw. Au wan at matuyan fag Dius tagufud ayu. Kwa kadasug sa ayu at ke fandotaman.

Mateu 7:14

Ay aroro ngap talay fag sakbawan ay at yud gbia fag dalan, kanya at fakadasugan sa tuas leleg at yud e fakatabuan. Ay gsadsadian wayk taw taglag ay taglao sanya fag dalan.

Lukas 12:32

“Lag am gafanawa, deyud am ngayu, aroro ay Mama naylat gfagtainan ayu.

Ruma 9:27

Ay katatuy Isayas at maksvn fag foyungan sabaliwas taw Israel: “Kanya ban fag ngay taw, dewa kayu lagnas sis tigyangan dagat, wa ban ngayu at kumlangfe.

Galasya 3:13

Wa tam mafafaning Muisis at Faugali fagayu, ay nu katanya, Dius nafaurianan antam. Tam Fun Isus anfaurianan laman sa antam, ay nafalfas antam siginan takatanya fag faurianan. Aroro katatuy at kinriruk sit Rirukan te, “Nusnga sinu at kinrabing sa sik kayu gafaurianan.”

Deuterunumyu 7:7

Yawi nafili ay nesug ayu, bunwa te, ayu yap am tibak talun at taw, aroro yam kayu anya fagayu.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Uswe 17:18

anggan tua ban tagaarawun fag ngay buksul. Nanggamas ban am ngay araw, aroro am ban tagagbilug fagayu. Matuyan wan mafaiyan am ngay taw Kanaan dewa kanya fagayu mabalyanan ay dewa anke faguyudan at mawatan sanbung.”

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.