Isayas 41:13 - Fanawbuid tagsibaliwas Fakayabian

¹³ Aroro au, Yawi am Dius, tagfabitsug emu ay taglong te, lag o kalimu aroro ggubuk au emu.

Isayas 41:13 ပူးပေါင်းရင်းမြစ်များ

Alubad. 109:31

Aroro kanya munakbang tua gugat sit yud e kwa fag ngay taw, laman gfalangfe anya fagayu siginan sangay taw taginsaful laman namabul.

Alubad. 118:7

Yawi gufud ay ggubuk angku. Ay glag kban ku ngay fawayan nu gababawan.

Alubad. 63:8

Naugatan au ankakbang sa emu, ay am siun fag take gbakvd tua gugat angku.

Alubad. 73:23

Dewa katanya, gufud tuo gugat ay gbakvd angku.

Nu Galin 14:13

Ay Muisis nabalus ngay taw te, “Lag am kalimu. Faksvni ay amatanganan ay lumag ro am Yawi nu gfalangfe ayu katsi fag menit. Ay wa ro am lumag ya ay nalag katsi fag ngay taw Igiptu.

Nu Galin 20:20

Nu katanya, Muisis nalong sa sangay taw te, “Lag am kalimu aroro Yawi nastie laman kanya namalag sa ayu at fagmabalyananun laman kalimu tuam anya ay diam gasalanan.”

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 45:1

Katatuy Yawi at longan sas Sirus, sat nafili ay sat nafae fagmabalyananun fag fun. “Namagbilug au sa emu ngay talun at ngay taw, ay namababawan au sa emu ngay fun, ay nanggubuk au emu nanluang ngay furuan at ngay sakbawan ay we madingding.

Isayas 51:18

Ay nusdi sadi am sisian we gtabanan ya emu, ay wa yangay e ggubuk ya emu.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 46:27

Ngay taw Israel, ku fagsuguan Akub at ngay kasugfunanan, lag am kamomuy ay kalimu aroro gfalangfe kban ayu siginan tangayayu fag talun nu inda nu gatabanan am. Gdog yay ban am namanwan manabayan, ay wa ban e kadasug ya sa ayu fagidapun, ay we mafalimu ya ayu.

Agay 2:5

Katanya yangay ku nafatuyanan ebi sa ay ngay mangaguyang gina au gfalfas anya fagayu siginans talun Igiptu. Nu katanya, lag am kalimu aroro gufud ktua ban gugat ayu.”

2 Timuteu 4:17

Dewa katanya, tam Fun naufud tua angku ay nafon angku fagmabitsugun laman mananfamoyung au at Masine fag Barita sas yud Udyu fag ngay taw. Tam Fun nafalangfe angku siginans fakabulun.