Isayas 41:11 - Fanawbuid tagsibaliwas Fakayabian

¹¹ Fagayu ban takauri emu umkapla ay gaewan, ay fagayu am fawayan umfaurianan.

Isayas 41:11 ပူးပေါင်းရင်းမြစ်များ

Nu Galin 11:8

Am ngay tagfakamulun ban grungan nangakbang sa angku ay nanlong te, ‘Loi wan ay tabani wan am kaibaman tagalo emu.’ Ay sanya ginan, glo kwan!” Ay Muisis maksvn nu kadotama gina glao siginans Igiptu at fun at daga salubangan.

Nu Galin 12:29

Ay sis wabilug yabi, Yawi nafabul fagayu taw Igiptu at ngay baguama tiba kaka, siginans Igiptu at fun at baguama tiba kaka munama at nantubus ban anya laman sik fun, anggan at maubungan at ngay tiba kaka munama. Ay nafabul yangay fagayu fagbaugun at riangan taguna.

Nu Galin 23:22

Nu gfaning tua ban am at ngay longan, ay gfakamulun fagayu ku ngay longan, au wan at namawayan ay ngay fawayan.

Isayas 17:13

Dewa katanya, dewa garingang ngayu kata sik lugwak nu gfawas, kanya ban fagayu lumagyu kaduge Dius gagras anya, kata sik naglayapan tagsis buksul, tagmara nu gfalayug, ay kata sik nagutan tagbaribungan fag fulug nu gfalayug.

Isayas 29:5

Dewa katanya, umdasug ban sik menit at ngay tagfawayan umkata sik dafug ay kata sik naglayapan takalayug sas tagmara. Ay umfasludan ban masakit takatanya sa anya fagayu.

Isayas 29:7

Ngay talun ban at ngay taw at nafawayan furuan Erusalem ay narufa at ngay alad umkalyam kata sik taginfan. Kanya fagayu kata way sik taw takalunus tagtaginfan te, gfangon, ay dewa katanya, nu nfulo kalunus yay gugat, ay kata way sik taw takadanum tagtaginfan te, ginum, ay nu nfulo wan, kadanum yay gugat.”

Isayas 34:12

Ay at ngay fun sirut gfangayan ban kafag talun te, “We Tungkul fag Fagfagtainanan.” Ay at ngay tagfangguna kalyam waban.

Isayas 40:17

Sas Dius, ngay taw sas fagayu talun kata way nu yud e tungkul.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 41:24

Dewa katanya, at matuyan, wam e nafakamulun ay wam e masuad. Ngay taw tagseg ayu maksvn nu mauri.

Isayas 41:29

Kafag ngay fagsegan we masuad, ay we fagmafafakamulunun, kata way sik tagmara.”

Isayas 45:24

Ay kanya ban lumong te, ‘Yawi way tagfon fagmatuyanun ay fagmabitsugun sa sangay taw.’ ” Ay fagayu ban takauri Yawi umkakbang sa anya ay umkapla.

Isayas 49:25

Dewa katanya, Yawi nabalus te, “Kin, mafalangfe tuo am ngay fawayan at ngay nataban, ay manamul yay o at nabul fag ngay ramraman. Namawayan au at nafawayan emu ay namalangfe au am ngay taw.

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 54:15

Ay nu e nanamawayan ban emu, kanya bunwa ku nasugu. Ay nusnga sinu ban at nanamawayan ayu gababawan way.

Isayas 54:17

We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”

Eremyas 12:17

Dewa katanya, nusnga sinu ban fag talun at taw at yud gfaning angku, nangaiyan au siginan at talun ay namamin au anya fagayu. Au, Yawi, taglong tuy.”

Eremyas 2:3

Ngay taw Israel, nafasamanan au ayu laman sa angku, kata taguna fag rawvg at nafon sa angku. Nafaurianan au at nafaidapan ayu, ay kanya fagayu anbul wan.’ Au, Yawi, taglong tuy.”

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Sakaryas 12:3

Ginanya ban, namakata au sik gang mabyat furuan Erusalem, ay nusnga sinu ban fag talun at nated kafag gang, umfaurianan. Ay fagayu ban talun sas fagdaul daga nangaful laman namawayan Erusalem.

Fakamulun 16:39

Nu katanya, kafag ngay tagwabilug nalao sas fagubungan laman namainfanyuan duama. Ay kafag ngay tagwabilug nafalfas Pablu ay Silas, ay kanya fagayu gfainfanyuan sas duama te, “Loi wan.”

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.