Isayas 41:10 - Fanawbuid tagsibaliwas Fakayabian

¹⁰ Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 41:10 ပူးပေါင်းရင်းမြစ်များ

Fakasigadan 15:1

Nu nlangfe ngayuk buknga, Yawi naringang sas Abram siginan sik taginfan. Nalong te, “Abram, lag o kalimu aroro au tagdiri emu. Ngayu ban ku fon sa emu.”

Fakasigadan 26:24

Ay nu nyabi wan, Yawi ankakbang sa anya ay nalong te, “Au wan am mama Abrayam at Dius. Lag o kalimu aroro gufud au emu. Ggubuk au emu ay gfon kban sa emu ngayuk kasugfunanan, aroro siginans Abrayam ku fagsuguan.”

Fakasigadan 31:5

Ay kanya nalong te, “Nasaful au te, anbali wan ay mama nu gdama angku, wa kata ya ebi ginan. Dewa katanya, ku mama at Dius wa gfabayan angku.

Fakasigadan 49:24

Ay dewa katanya, anggan ban o, gfana o gugat anya fagayu, ay am ngay take ban mabitsug tua gugat, aroro siginan Akub at Dius at mabalyanan, Israel at tagulit ay at fagsarirungan at gubuk.

2 Samwel 22:19

Ku ngay fawayan nafawayan angku, gina au e fagidapun. Dewa katanya, Yawi nagubuk tua angku,

1 Krunika 12:18

Nu katanya, at Masine fag Falad antayuk sas Amasay, tagfangguna at maseganama fag tuluk safuluk tagfawayan, ay glong te, “Dabid, Ese at baguama, ami kasadi wami sa emu! Gbabo tua ban am nangus gugat gasfuan am ngay taggubuk, aroro ay Dius ggubuk ayu.” Nu katanya, Dabid naylat ay nafili anya laman tagfangguna at ngay tagfawayan.

2 Krunika 20:17

Wa ban am gfawayan ya. Falganani ay maksvni, ay lumag ban am Yawi nu gfalangfe ayu. Nu katanya, am fag ngay taw Uda ay taw Erusalem, lag am kalimu ay kamomuy. Balabag ban namablang am kanya fag ngay tagfawayan ay Yawi ban gufud ayu.’ ”

2 Krunika 32:8

Tagufud anya ngay taw way, dewa katanya tagufud antam Yawi tua at mabalyanan fag Dius. Kanya taggubuk antam ay at namawayan laman sa antam.” Nu katanya anbitsug kafag ngay taw at amatanganan siginan Esekyas, Uda at fun, at nalong.

Alubad. 144:11

Falangfei angku siginan ku ngay fawayan tagsiginan tibak talun, aroro kanya fagayu kamuag. Dewa kanya fagayu gfatuyanan te, at longan matuyan, kamuag way.

Alubad. 144:8

Dewa kanya fagayu gfatuyanan te, at longan matuyan, kamuag way.

Alubad. 145:14

Ggubuk tuo at kintaygilid fag ngay taw, ay gfabitsug tuo fagayu at kinmomuy aroro ankabyat at famubaun.

Alubad. 147:12

Am fag ngay tagbanwan sis Erusalem, segi Yawi tam Dius,

Alubad. 18:36

Nu katanya, nafabia o ku dalan, ay kdi andangsal.

Alubad. 27:1

Yawi, o wan ku salung ay ku tagfalangfe. O wan ku taggubuk. Sinu ya ku fakalimuun? Nu katanya, kwe fakalimuun ya.

Alubad. 29:11

Yawi gfon fagmabitsugun sat ngay taw ay gfon yangay fagmanabayanun.

Alubad. 33:12

Mauseganan sik talun at ngay taw, at Dius nu Yawi tua. Ay mauseganan at nafili fag ngay taw aroro anya wa fia.

Alubad. 37:17

aroro Yawi ggubuk tua ngay taw at matuyan, dewa katanya, at mauri fag taw at fagmakatuun umragang wan.

Alubad. 37:24

Yawi gbakvd tua kanya fag taw, ay dewa antaid, di kalub.

Alubad. 41:12

Kdi gfakamulun mauri. Nu katanya, ggubuk tuo angku ay kabavn si ktua gugat sim akbang.

Alubad. 46:11

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 46:7

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 63:8

Naugatan au ankakbang sa emu, ay am siun fag take gbakvd tua gugat angku.

Alubad. 65:5

Dius em tagfalangfe, nabalus tuo em darangin, ay nafalangfe tuo ay nafalag sa emi am ngay nafakamulun at madulo. Ay fagayu taw tagsas dife dagat anggan ngay taw sas fagdaul daga gseg tua emu.

Alubad. 99:4

Kanya mabalyanan ay matuyan fag Fun. Nu gfawabilugan, di e fagfili, ay kabavn at fakamulun sas Israel, masine tua ay matuyan.

Nu Galin 14:13

Ay Muisis nabalus ngay taw te, “Lag am kalimu. Faksvni ay amatanganan ay lumag ro am Yawi nu gfalangfe ayu katsi fag menit. Ay wa ro am lumag ya ay nalag katsi fag ngay taw Igiptu.

Nu Galin 20:20

Nu katanya, Muisis nalong sa sangay taw te, “Lag am kalimu aroro Yawi nastie laman kanya namalag sa ayu at fagmabalyananun laman kalimu tuam anya ay diam gasalanan.”

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 35:4

Foyungi tua sas fagayu takalimu te, “Lag am kalimu. Faksvni tua ay amatanganan. Umdasug ban ay Dius laman gfasud ay ngay fawayan, ay namalangfe ayu.”

Isayas 37:6

Isayas nalong sa anya fagayu te, “Longi sa ay tagfayafun te, Yawi glong te, ‘Lag o kalimu am nadungug fag longan Asirya at fun at fagsuguan nu gfalingun angku.

Isayas 43:5

Lag o kalimu aroro au wan am ufud. Namaful kyay ban fagayu am ngay kasugfunanan tagsis fakamenitan ay tagsis fakayabian.

Isayas 44:2

Au, Yawi at nawat ay at nagubuk emu. Lag kalimu, o wan ku fagsuguan ay ku nafili.

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 50:9

Dungugani! Yawi tam Fun ku taggubuk. Sinu at malong te, e asalanan au? Kanya kata way sik lanbung takadan, fatung at naon.

Isayas 52:7

Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Takabalu 3:57

Ay andasug tuo, ay nafasun angku te, lag au kalimu.

Daniel 10:12

Kanya nalong sa angku te, “Daniel, lag o kalimu. Aroro Dius nabalus wan am darangin gina yay taguna fag menit nu kamababaun o sas Dius ay gina o gyasafulun am taginfan at masuad. Nu katanya, nastie au laman namoyung au sa emu at famalus am darangin.

Daniel 6:16

Nu katanya, fun nasugu laman nanggamat Daniel ay namatong sas fagubungan ngay liun. Ay fun nalong sas Daniel te, “Am fagsegan fag Dius gfalangfe ro nangus emu.”

Usea 1:9

Yawi nalong sas Usea te, “Fangayani anya te, Lu-Ami, aroro ngay taw Israel bunwa ku ngay taw ya, ay bunwa au ya at Dius.

Agay 1:13

Agay, Yawi at taglong, nalong sa sangay taw Israel te, “Yawi ban gufud tua gugat ayu.”

Agay 2:5

Katanya yangay ku nafatuyanan ebi sa ay ngay mangaguyang gina au gfalfas anya fagayu siginans talun Igiptu. Nu katanya, lag am kalimu aroro gufud ktua ban gugat ayu.”

Sakaryas 10:12

Gfabitsug kban ku ngay taw, ay siginan ku ngayan umke fagmanabayanun. Au, Yawi, taglong tuy.”

Sakaryas 10:6

Namabitsug au ngay taw Uda, ay namalangfe Israel at ngay kasugfunanan. Aroro anfanyu au anya fagayu ay namafoli au sat fagbanwanan. Au wan Yawi kanya fag ngay taw at Dius. Nu katanya, gbalus au at ngay darangin. Ay kanya fagayu kata yay gina au yud naiyan.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Lukas 1:13

Ay kafag tagbarita nalong te, “Sakaryas, lag o kalimu, aroro Dius nadungug am darangin. Am bubay Elisabet gfasalug ban sik munama, ay gfangayan ban o anya te, Uan.

Lukas 1:30

Ay kafag tagbarita nalong te, “Maria, lag o kalimu, aroro Dius kesug emu.

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

2 Kurintu. 12:9

Ay kanya nabalus angku te, “Ansak wan ku fagmagalangun sa emu, aroro ku fagmabalyananun kalag si emu gina o mamomuy.” Nu katanya, maksvn nu guseganan au kamatungudun sa baliwa ku fagmamomuyun laman tam Fun Isus at fagmabalyananun si tua gugat angku.

Efesu 3:16

Gdarangin au sa anya te, siginan at maksvn fag fagmabalyananun, kanya nangus gfabitsug ay amatanganan siginan at Masine fag Falad.

Deuterunumyu 20:1

Nu glao am laman namawayan, ay dewa am nalag te, ay ngay fawayan ay at ngay kabayu ay anggan at ngay faguyudan ayu yap tua ayu, lag am kalimu anya fagayu, aroro ay Dius Yawi at nafaduksun ayu siginans talun Igiptu gufud tua ayu.

Filipus 4:13

Mafafakamulun au nusnga setaw aroro siginan tam Fun Isus, kanya wan tagfae fagmabitsugun angku.

Uswe 1:9

Amatangi gugat ku suguan emu: maksvni tua ay maseganamai. Lag o kalimu ay kamomuy aroro au, Yawi am Dius, tagufud emu nusnga nday ban o.”

Tagfangguna 6:16

Ay Yawi nabalus te, “Ggubuk kro emu, ay namabul o ngay taw Midyan kata nu gfawayan o sadik taw.”