Isayas 40:9 - Fanawbuid tagsibaliwas Fakayabian

⁹ Am fag ngay taw tagbuba at masine fag barita sas Siun, Erusalem fag furuan, undaudi sa tangabat fag buksul, ay uroi foyungi at masine fag barita. Uroi ay dangay kalimu; foyungi sa sangay furuan tagsis Uda te, “Kadasug wan ay Dius.”

Isayas 40:9 ပူးပေါင်းရင်းမြစ်များ

2 Krunika 13:4

Ay Abya ay at ngay tagfawayan nu ndasug sas Efraim at fagagbilugun fag ngay buksul, kanya fagayu namalindug sis tungud buksul Semaraim ay nauro Erubuam ay ngay taw Israel ay nalong te, “Dungugani.

Isayas 1:1

Tuy fag fafil gfayamag sabaliwas Dius at nafalag fag taginfan sas Isayas, Amus at baguama, sabaliwas Uda ay Erusalem ebi gina Usya, Utam, Akas ay Esekyas gtudtubusan gfunan sis Uda.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 41:27

Au Yawi, at nalong takatanya sas Siun, Erusalem fag furuan. Nasugu au sik tagfosuk longan laman namoyung ayu at masine fag barita te, ‘Andasug wan taggubuk ayu.’

Isayas 44:26

Ay dewa katanya, namafasludan ktua ku ngay taglong at ngay longan. Gfoyung au te, ‘Gdog yay ban e namanwan sas furuan Erusalem, ay gdog kyay ban namawat tibak furuan sis talun Uda at kinrasras wan.’

Isayas 51:12

Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 51:7

Dungugani angku, am tagsaful at matuyan ay tagfaning ku faugali! Lag am kalimu ngay taw tagfapla ay tagfalingun ayu.

Isayas 52:6

Dewa katanya, sik menit ban tumoglag am ku ngayan, aroro au wan tagaringang gugat sa ayu. Matuyan, au wan.”

Isayas 58:4

Doma am gfangon ya laman gdarangin, dewa katanya, gawayan way am, ay garingangan, ay gfadfalangan. Lag am gseg te, gdungug kro ayu dewa am yud gfangon laman gdarangin.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Eremyas 22:20

Ngay taw Uda, nangundaud am sas tungud buksul Lebanun ay nanwayway am, aroro namin wan ay fagadgalangan fag ngay talun. Ay nanguro am anya fagayu sas Basan ay sas Abarim.

Eremyas 29:11

Nasaful kwan nu gfafasludan au ku ngay algan sa ayu, sa ay fagmasineun ay bunwa sas fagmauriun, ku algan laman gfae fagsegun au ayu ay gfae fagmanabayanun.

Naum 1:15

Ngay taw Uda, banawani sa sangay buksul! Kadasug wan sik tagfoyung at masine fag barita tagfae fagmanabayanun ayu. Nu katanya, afuli useganani, ay fafasludani ay ngay fatuyanan sas Yawi, aroro at mauri fag ngay taw wa ban namawayan ya ayu, abat ngate, umkamin wan.

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Fakamulun 2:14

Ay Pedru namalindug gasfuan at labi sadik nasugu, ay mabitsug nu gfoyung te, “Em ngay kaiban, ay am tagbanwan sis furuan Erusalem, dungugani fia masine ku fagyalongun sa ayu.

Fakamulun 4:13

Ay kanya fagayu andulo nu nalag Pedru ay Uan nu maseganama kamoyung, ay nu nasaful te, duama wa nadal ay we fagsafulun. Ay nasaful yangay te, duama Isus at ngay nasugu.

Fakamulun 4:29

Em Fun, saful way o kafag ngay taw mauri at algan sa emi. Nu katanya, fabitsugi emi laman maseganama nu gfoyung ami am longan.

Ruma 10:18

Ay katsi ginto au te, o nunda kanya fag ngay taw Israel ya nadungug Dius at longan? Sabv, kafag ngay taw nadungug wan. Aroro at Rirukan nalong te, “Andasug wan sas fagayu talun kafag ngay aringang, at foyungan anrapyag sas fagdaul daga.”

Efesu 6:19

Darangini yangay angku laman Dius gfon angku at matuyan fag longan laman maseganama nu gfoyung au Dius at algan at masuksukan sabaliwa at Masine fag Barita.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

1 Pedru 3:14

Ay dewa e nafauri ayu aroro gfakamulun am at masine, mauseganan am. Lag am kalimu kafag ngay taw at ngay famalimuanan ay lag am gafanawa.

Tagfangguna 9:7

Ay Utam nu nadungug takatanya, kanya naundaud sas tungud Buksul Gerisim ay nauro sanya fag ngay taw te, “Ngay taw Sekem, nu kaylat am laman Dius gdungug tua ayu, dungugani angku.