Isayas 40:5 - Fanawbuid tagsibaliwas Fakayabian

⁵ Umsure ban Yawi at fagmabalyananun, ay fagayu ban taw lumag takatanya. Umfasludan ban takatanya, aroro au Yawi at nalong.”

Isayas 40:5 ပူးပေါင်းရင်းမြစ်များ

1 Fun 14:11

Idu ban nangon am ngay kalongan takabul sisad furuan, ay manuk tungud nangon at kinbul sis talun. Yawi at nalong tuy!’

Alubad. 102:16

Aroro Yawi ban gdog yay namalindug furuan Siun, ay namasure at fagmasineun.

Alubad. 102:17

Ay ginanya ban, kanya gbalus tagidapan fag ngay taw at darangin, ay di ban gaiyan.

Alubad. 72:19

Nu katanya, kabavn segi anya. Ay at fagmasineun nangus umfagdaul sas fagdaul daga. Anud! Katanya wa fia!

Alubad. 96:6

Siwa anya fagmasuyuun ay fagmatuyanun, ay kalag sit bale at fagmabitsugun ay at fagmasineun.

Alubad. 97:6

Banwa gfoyung te, Dius matuyan. Ay fagayu talun at taw nalag at fagmasineun.

Nu Galin 16:7

ay balabag ban sbalabag, lumag am Yawi at fagmabalyananun aroro nadungug nu kamayud am. Wain ay fagfayudun emi, ay wami e nafakamulun?”

Isayas 1:20

Dewa katanya, nu gfataglayun way ban am kamabo angku, matuyan kabul ban am. Umfasludan takatatuy, aroro au Yawi taglong tuy.”

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 26:15

Yawi, nafabia tuo em talun, ay nafadugdug tuo em ngay taba daga, ay aroro katanya gfauseganan tuami emu.

Isayas 34:16

Fagayu am damai Yawi at rirukan ay tapi. We yud umfasludan fagayu at marirukan sanya kata ku nalong. We kalyam nusdi sadik mangilafang tagsanya, ay tagsanya mesa tua e ufud. Aroro katanya wan Yawi at fakaylatun, ay kanya wan at nafaful anya fagayu.

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 40:4

Fapnui ngay tagubungan, ay fadatagi ngay buksul ay ngay fungsu, ay anggan ngay tagbudbuksulanun fag ngay daga.

Isayas 41:20

laman ngay taw lumag, ay sumaful, ay umtuyan te, au Yawi, Israel at Dius at yud e Malong, at nafakamulun takatanya.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 52:10

Yawi namalag at fagmabalyananun yud e malong sas fagayu talun at ngay taw, ay fagdaul daga lumag Dius nu gfalangfe.

Isayas 58:14

ay nu nafafaning tua ban am takatanya, mauseganan tua ban nu gfakamulun am sa angku. Ay gfae fagusegananun kban ayu si ay talun. Namayu kban ay gutluan si ay mangaguyang Akub at nafon ayu fag daga. Umfasludan ban takatanya, aroro au Yawi taglong tuy.”

Isayas 6:3

Ay kafag ngay awatan nasfuan nauro te, “Yud e malong, yud e malong, yud e malong, Yawi at Mabalyanan! At kamasuloan ankapnu sas fagdaul daga.”

Isayas 60:1

“Erusalem, alunggungi wan, ay yamagi kata menit, aroro andasug wan am tagfalangfe. Yawi ban at fagmabalyananun tagyamag emu.

Isayas 66:16

Yawi ban gagbilug afuy ay fiso tagsumbalian at uyup, laman namaurianan at ke asalanan fag ngay taw, ay ngayu ban at fagnamabulun.

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Isayas 66:23

Ay galay fagmafulun sabaliwa Magdanun nu Bagu Kasure, ay Famiangalay fag Menit, fagayu am fauseganani angku.

Eremyas 32:27

“Au Yawi, fagayu taw at Dius. O nunda e fagyudun au mafafakamulun nusnge wain?

Eremyas 9:12

Ay nainto au sas Yawi te, “Sinu ro manga at ke fagsafulun gtogdungug am ngay longan? Ay sinu fag taw am fagfoyungan sabaliwa am longan laman kanya gfoyung yangay sa sangay taw? Wain faginrasrasun tuy fag talun ay faginkataun sik talun at yud e taw at yud e nandalan ya?”

Uel 2:28

Sanya ginan, namon kban ku Falad sas nusnga sinu fag taw. Ay ay ngay sisian ban namoyung ku ngay longan. Ay ay ngay fagtainan ban umke ngay taginfan. Ay ay ngay baguama ban lumag ngay taginfan.

Mikas 4:4

Ginanya ban, ngay taw nanmalunggung manabayan sat mesa tanum wat ubas ay fun kayu igus at lanbung. Matuyan umfasludan ban takatanya, aroro Yawi at Mabalyanan at nalong.

Abakuk 2:14

Aroro nu setain mamam nu mapnu sis dagat, umkayu yangay ngay taw at fagsafulun sabaliwas Yawi at fagmabalyananun.

Sakaryas 2:13

“Fagayu am maragangani sis Yawi at daga salubangan, aroro kanya kadasug siginan at fagbanwanan at yud e malong.”

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Lukas 3:6

Ay fagayu ban taw lumag Dius nu gfalangfe.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 12:41

Isayas at fagnalongun katanya aroro nalag Isus at fagmasineun ay nafoyung sabaliwa anya.

Uan 17:2

Ay nafon wo sa angku fagmabalyananun sas fagayu taw, laman gfon au leleg at yud e fakatabuan sam nafon angku fag ngay taw.

Fakamulun 2:17

Dius nalong te, ‘Sa ban taguyan fag ngay menit, gfon kban ku Falad sas fagayu taw. Ay ngay baguama ban ay ay ngay baguina mafafoyung tua ku longan, ay ngay baguama ban umke fagsafulun sabaliwa takafasludan sas fagunan. Ay ngay fagtainan ban umke ngay taginfan.

2 Kurintu. 3:18

Ay tam Fun, kanya wan at Masine fag Falad, kanya gfasine antam laman kaksvn tua nu gfaning tam anya.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.