Isayas 40:31 - Fanawbuid tagsibaliwas Fakayabian

³¹ ay dewa katanya, fagayu tagafanud sas Yawi gdog yay fia umke fagmabitsugun. Kanya fagayu glayug tua kata sik bio. Dewa gtarung, wa kalufuy, ay dewa glao, wa kamomuy.

Isayas 40:31 ပူးပေါင်းရင်းမြစ်များ

Ub 17:9

At matuyan fag ngay taw gugali tua gugat at masine, ay at yud e asalanan fag taw umkaksvn.

Alubad. 103:5

Kanya nafon yangay sa angku fagayu nusnge wain at masine, nu katanya, ku ngay fakaylatun anfasludan. Ay kaduge au gleleg, kata ktua gugat sik mabaguama, ay mabitsug ktua gugat kata sik bio.

Alubad. 123:2

Yawi em Dius, gfanya ami nu kafanyu o emi, kata sik fagsuguan nu gfanya at tagfayafun nu gfon sa anya.

Alubad. 138:3

Gina au nadarangin sa emu, nabalus tuo angku, ay nafaksvn tuo angku.

Alubad. 20:9

Yawi, fababoi am nafili fag fun ay dungugi em darangin.

Alubad. 25:21

Nangugali au sat matuyan ay sat yud e malong, nu katanya, dirii tua angku aroro gafanud ktua sa emu.

Alubad. 25:3

Nusnga sinu tagafanud sa emu di ban gafaplan, dewa katanya, tagfandaya fag ngay taw umkapla ban.

Alubad. 25:5

Foyungi sa angku nu setain nu nangugali au at matuyan, aroro o wan ku Dius ku tagfalangfe. O way lang ku fagsegun.

Alubad. 37:34

Afanudi sas Yawi, ay laoi sat dalan. Nu katanya tua, kanya guseganan tua ay gfabanwan ayu sas talun Israel. Ay lumag ban am nu gaiyan ngay taw mauri sanya ginan fag talun.

Alubad. 40:1

Nagwantan au nafanya Yawi, ay kanya nasalubang angku ay nabalus tua ku fagetun.

Alubad. 84:7

Ay kanya fagayu kaduge glao, kafamut at fagmabitsugun yakmay andasug sas Dius at daga salubangan sas Siun.

Alubad. 84:8

Yawi, Dius at mabalyanan, Akub at Dius, dungugi ku darangin!

Alubad. 92:1

Yawi, em Dius Tiba Tungud, masine nu galubad tuami gugat gfauseganan emu.

Alubad. 92:13

Kanya fagayu kata yangay sik ngay fun kayu tagtugbung sis Yawi tam Dius at bale.

Nu Galin 19:4

‘Nalag wam ku nafakamulun sa sangay taw Igiptu, ay nu gtabanan au ayu sa angku, kata sik bio nu gbuba at ngay riangan sit fakfak.

Fangatulun 30:19

Taguna, nu setain bio nu glayug sis kiwang, ay at fadua, ule nu galafangan sas wa gang, ay at fatulu, sakayan lino nu gfioan sis fagngabasadan dagat, ay at faufat, mangama ay mangena nu kedkesugan.

Sulumun at Alubad 8:5

Sinu manga atsi takadasug siginans talun at yud e taw at masarare sit fakesugun fag mangama at lafi kaduge glo? Nafulo au emu sis daga fun kayu at mayayum nu grawvg, nu inda am mina nu gfandeng gfasalug emu.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 30:15

Yawi tam Fun, Israel at Dius at yud e Malong, nalong te, “Afolii sa angku ay manabayani, aroro namalangfe kwa fia ayu. Lag am gaduanun; afanudi wa sa angku, aroro namabitsug kwa fia ayu. Dewa katanya, kamayud wayam.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 41:1

Yawi nalong te, “Am fag ngay taw tagsiginan sangay talun tagsis wabilug dagat, ragangani ay dungugani angku. Ay am tagsiginan tibak talun, faksvni ay amatanganan ay akbangi sa angku, ay nangaful tam sas fagnanginsafulan.

Isayas 64:4

Siginan ebi dasug katsi ya batang e ndungug ay e nlag takata emu fag Dius, taggubuk sas fagayu tagafanud sa emu.

Isayas 8:17

Dewa Yawi naiyan Akub at kasugfunanan, au gafanud ktua sas Yawi. Nu katanya, gagwanta ktua gfanya anya.

Eremyas 48:15

Dewa katanya, talun Muab ban karasras wan anggan at fagagbilugun fag ngay furuan. Ay e gfabul ban at ngay baguama at maseganama. Au, Yawi at Mabalyanan, taglong tuy.

Sakaryas 10:12

Gfabitsug kban ku ngay taw, ay siginan ku ngayan umke fagmanabayanun. Au, Yawi, taglong tuy.”

Lukas 18:1

Isus nafansulitan sat ngay tagadal sabaliwa sik faydayuanan, laman kanya fagayu wa kamomuy ay wa kalufuy gdarangin.

Ruma 8:25

Ay nu gfanya tua tam tam nayud yay nalag, gugatan tua tam gfanya.

2 Kurintu. 4:1

Dius mafangafanyu tua, nu katanya kanya nafili emi laman gfakamulun ami sa baliwa at bagu fag nasadian, ay di kamomuy em amatanganan.

2 Kurintu. 4:16

Nu katanya, di kamomuy em amatanganan. Ay em bilug dewa garimanan wan kamomuy, kayu menit kabitsug tua em amatanganan.

Galasya 6:9

Nu katanya, lag tam kamomuy gfakamulun at masine. Nu ndasug ban sit filian fag menit, matuyan mul ban tam at famonun nu ddi tam anmomuy.

Deuterunumyu 32:11

Kanya nu galaga at nafili fag ngay taw kata sik manuk tungud nu galaga at ngay riangan, gina gfoyung nu glayug. Nafarafad at ngay fakfak laman gsangfut ay gbuba anya fagayu.

Deuterunumyu 33:25

Ay at ngay furuan sakbawan ban nangus e ngay famalabag mawatan siginans sanbung ay tansu, ay at fagmabalyananun ban nangus katanya tua gugat kaduge kanya fagayu gleleg.

1 Tesalunika 1:10

ay gfanya am at Baguama Isus, kanya at nafadog nafaleleg, nu kafoli siginans banwa. Ay kanya tagfalangfe ban antam sa takadasug fag faurianan.

Ebreu 12:1

Nu katanya, dakngani maligung tam ngayuk taw tagfatuyan, gubun watam fagayu tagsalag antam ay tam asalanan tagfatawad gugat antam, ay gugatan tua tam gfataglayun gafanud, kata nu ggudgunan tam.

Ebreu 12:3

Masine nu gamatangan tuam fia te, maksvn tua Isus nu gagwantan tagfawayan anya fag ngay taw tagasalanan nu gfaidapan, laman ban diam kalufuy ay di kamomuy ay amatanganan.

Uswe 14:11

dewa katanya, ku fagmabitsugun kata yay gugat ebi gina Muisis gsugu angku. Dasug katsi makatu kyay fia gfawayan.

At Nafasure 12:14

Ay e nafon sa kafag mangena duak fakfak daul bio, at fanlayug laman umyayu siginans ule sas talun at yud e taw. Sanya ban e galaga anya kaduge tuluk banwa ay sik wabilug ya.

At Nafasure 2:3

Saful kyangay te, gugatan tuam gagwantan dewa ngayu fag fagidapun aroro galo am angku, ay diam kamomuy.

At Nafasure 4:7

Taguna tagleleg fag awatan kata sik liun, ay at fadua kata sik riangan baka, ay at fatulu at kamatan kata fia sik taw, ay at faufat kata sik bio glayugan.

Tagfangguna 16:28

Ay ginanya, Samsun gdarangin te, “Yawi, ku Fun, amatangi angku. Nu masine, fafolii ku fagmabitsugun laman mafasud au ngay taw Filistia at nabul ku mata.”