Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isayas 40:26 - Fanawbuid tagsibaliwas Fakayabian

26 Tangdai sas banwa! Sinu nunda at nawat ngay galeme? Dius wan at nawat kanya fagayu, ay gfasadsadian gfasure gina glong at mesa ngayan. Ay siginan at fagmabalyananun, nusdi sadi di e nalyam.

အခန်းကိုကြည့်ပါ။ ကော်ပီ




Isayas 40:26
26 ပူးပေါင်းရင်းမြစ်များ  

Ay Dius nalong te, “E ngay tagyamagi sis banwa laman famasaful te, menit ay yabi. Ay kanya sik famasaful yangay te, gfasigad ngay buknga, ngay menit, magdanun ay banwa.


Nu katanya, Dius nawat duak tagbia fag tagyamag: tagbia nafangayan te, “Menit,” tagyamag gina menit. Ay talay vtv nafangayan te, “Magdanun,” tagyamag gina yabi. Ay nawat yangay ngay galeme.


Am ngay faugali ban matuyan tua gugat, aroro fagayu nusnge wain galo way kata am fakaylatun.


Gbanawan au sa sangay buksul, ay ginto te, “Daginan manga ku taggubuk?”


Banwa gfalag te, Dius mabalyanan. Ay at ngay awatan tagsis banwa gfalag te, kanya e fagsafulun.


Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.


Fagayu am damai Yawi at rirukan ay tapi. We yud umfasludan fagayu at marirukan sanya kata ku nalong. We kalyam nusdi sadik mangilafang tagsanya, ay tagsanya mesa tua e ufud. Aroro katanya wan Yawi at fakaylatun, ay kanya wan at nafaful anya fagayu.


Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.


Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.


Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’


Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.


Ku nafili fag ngay taw Israel, dungugani. Au wan Dius; au wan at fakasigadan ay at fakatabuan.


Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.


Tangdai sas banwa, ay damai sas fagdaul daga. Banwa umkalyam kata sik anus, ay fagdaul daga umrasras kata sik lanbung, ay sanya fag ngay taw umbul masakit kata ngay lango. Ay dewa katanya ku fagnamonun fag fakalangfean gtaglayun tua ban gugat, ay ku fagmasineun ban di e fakatabuan kabavn.


O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.


Lag am galo sa tagseg nusnge wain tagsis banwa kata menit, magdanun, ay ngay galeme. Yawi nafasanya kanya fagayu laman sas fagayu tagbanwan sis fagdaul daga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ