Isayas 40:24 - Fanawbuid tagsibaliwas Fakayabian

²⁴ Kanya fagayu kata way sik tanum bagu gtugbung at bagu yay kae lalid, ay Yawi nauyup ay anlangke masakit, ay tagbaribungan fag tagmara nafalayug anya fagayu kata sik upa.

Isayas 40:24 ပူးပေါင်းရင်းမြစ်များ

2 Samwel 22:16

Siginan nu guro kadotama, kanya nafalanggang dagat. Ay fagdaul daga anggan at fagtungkudan ansure.

2 Fun 10:11

Sanya ginan, Yeu nafabul Akab at kalongan fagayu sis Esreel, anggan at ngay fun sirut, ay at ngay fagadgalangan ay sanya fag ngay tagfon fanggalangun. Akab at ngay kalongan wa nke sawad ya.

Ub 21:18

Kanya di gaiyan anya fagayu, kata sik tagbaribudan fag tagmara nu gfalayug upa.

Ub 4:9

Dius ban nu nafadasug at dotama sa kafag ngay taw, kanya ban fagayu umbul.

Ub 8:17

At ngay lalid gulitan gang, ay kaylat sa tagagangun.

Alubad. 58:9

Dius namamin wan anya fagayu, kasakit stikung nu gfauluk mamam.

Alubad. 83:13

Ku Dius, fasaruayani anya fagayu kata ngay lukbu ay kata tagmara nu gfalayug upa.

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Isayas 17:11

at natugbung oma ay at nasariksik gina am gtanum fag menit, wam e faggutluun, abat ngate, nangidapan way ban am sat yud kafia fag anini.

Isayas 17:13

Dewa katanya, dewa garingang ngayu kata sik lugwak nu gfawas, kanya ban fagayu lumagyu kaduge Dius gagras anya, kata sik naglayapan tagsis buksul, tagmara nu gfalayug, ay kata sik nagutan tagbaribungan fag fulug nu gfalayug.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 37:7

Dungugani! Namabanwan au sik falad sas Asirya at fun. Ay kanya ban dumungug sik barita ay umfoli sat talun. Ay namabul kban anya sit talun siginan sik takamasing.’ ”

Isayas 40:7

Makmak kalangke ay at ngay barugwak katong gina Yawi nafatagmara.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Isayas 41:2

Sinu at nafili sik tagbabo siginans fakamenitan laman kanya gbabo nusnga nday? Ay sinu at nafagbilug sa anya ngay fun ay ngay talun at ngay taw? Kanya nafakata lukbu at ngay fawayan siginan at fiso, ay nafakata sik upa siginan at godun.

Eremyas 22:30

Kanya glong te, “Rarusi wan siginans fun at fafil Yuyakin at ngay baguama at ngay ngayan. Fun Yuyakin nababawan wan, ay nusdi ban at sisian at sadi we nanmalunggung sas fun Dabid at faglunggungan laman gfunan sas talun Uda. Au, Yawi, taglong tuy.”

Eremyas 23:19

Dungugani! Ku dotama kaksvn sik fulug ay sik tagmara tagbaribungan at namalang sat mauri fag ngay taw at ngay alfuyu.

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Usea 13:3

Nu katanya, umkalyam ban am kata linyabu ay damug sbalabag, ay kata upa nu kalayug gina gtagmara, ay kata anus nu gduksun siginans faraungan.

Naum 1:14

Yawi nalong yay fia sa sangay taw Asirya te, “Ay ngay kasugfunanan ban umkamin wan, ay nanrufa kban ay ngay fagsegan at mawatan kayu say fagnangafulan fag bale. Ay namalganan kwan fagfolian ayu, aroro kwa kaylat ya nu gleleg am.”

Agay 1:9

Yawi at Mabalyanan glong yangay te, “Gseg am te, ngayu tua ban ay gutluan, dewa katanya, alay way. Nustua ay nafauli ay gutluan, nafafaragfag kway lang. Nafakamulun au sa ayu takatanya aroro nafabayan am ku bale nu maiklasan, ay fagugatanun gfasine ay ngay mesa bale way lang.

Sakaryas 7:14

Kata au sik maksvn fag tagmara namarapyagan au anya fagayu sas nusnga nday fag talun. Kanya fagayu naubun at ngay talun at masine nu katanya, we masuad ya ay we manamanwan ya.”

Sakaryas 9:14

Yawi namasure at fagmabalyananun sat ngay taw, ay at banyas ban gdamlag kata limbad. Ay kanya ban namawang budyung ay kadasug gadgaloan fulug siginans fasiunan fag alvngvdan.