Isayas 40:21 - Fanawbuid tagsibaliwas Fakayabian

²¹ O nunda yam nasaful ay yam batang gdungug? O nunda ye nafoyung ayu siginans fagsigadan? O yam natogdungug siginan ngay nu kawat fagdaul daga?

Isayas 40:21 ပူးပေါင်းရင်းမြစ်များ

Fakasigadan 1:1

Taguna, Dius nawat banwa ay fagdaul daga.

Ub 26:7

Dius narafad kiwang sis daga banwa, ay narabing fagdaul daga sat yud e nusnge wain ya.

Alubad. 115:8

At nawat kafag ngay fagsegan ay fagayu tagseg, umkata kafag ngay fagsegan.

Alubad. 50:6

Banwa gfalag te, Dius matuyan, aroro Dius wan tagtuyan.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 37:26

Anud, narasras o ngay furuan ayu daul at ke ngay dingding alad. O nunda yo nasaful te, glugo wan nu e algan au takatanya? Siginan yay ebi anke algan kwan ay katsi nafafasludan kwan.

Isayas 40:28

O nunda yam saful ay yam batang gdungug te, Yawi, at yud e fakatabuan fag Dius, at nawat fagdaul daga? Kanya di kamomuy ay di kalufuy ay we taw saful at amatanganan.

Isayas 44:20

Ngay taw takawat takatanya, kata way nu kon dafug. At fagyudun mamatanganan at nafalyam anya, ay takatanya, wa mafafalangfe at sadili. Ay wa kaylat glong te, ‘Ku nawat fag fagsegan bunwa sik dius.’ ”

Isayas 46:8

Am fag ngay takamabo, amatangi ku ngay nafakamulun.

Isayas 48:13

Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 51:13

O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.

Fakamulun 14:17

Dewa katanya, Dius nafalag tua sa ayu te, kanya si wa gugat ayu siginan at ngay fakamulun at masine. Dius nafadasug sa ayu arak ay faggutluun sit kasakan fag buknga, laman e fakonun tuam ay guseganan.”

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.