Isayas 40:2 - Fanawbuid tagsibaliwas Fakayabian

² Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 40:2 ပူးပေါင်းရင်းမြစ်များ

Fakasigadan 34:3

Kanya maksvn nu galabian ay gfababaun sa anya.

2 Krunika 30:22

Esekyas nafauseganan ngay taw Lebi, aroro kanya fagayu matuyan tua nu gfakamulun laman sas Yawi. Ay kanya fagayu nafataglayun nu maful kaduge fituk menit. Ay naon at afud tagsiginans fanggalangun, ay nafon at fanggalangun laman sas fagmanabayanun, ay kanya fagayu naseg Yawi, at ngay mangaguyang at Dius.

Alubad. 32:1

Mauseganan sik taw, at asalanan nu nalyam tua, aroro Yawi nafalyam wan.

Alubad. 85:3

ay nafalyam yangay o am dotama.

Nu Galin 22:3

Ay dewa katanya, nu siway swa menit nu gfabul kafag tagfangkamul, kanya fag taw e asalanan. Ay at nagamatan fag tagfangkamul, bayadi at nabul. Ay kanya nu dway e famayad, namabayadi anya laman sik fagsuguan ay at ngay nagbulan famayad wan at nabul.

Takamoyung 3:4

E buknga galiasun, ay e buknga kase, ay e buknga kabalu ay e buknga guseganan.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 14:3

Ngay taw Israel, gina ban Yawi gfafaingalay ayu siginan ay ngay fagidapun ay ay fagafanawaun ay siginan nu gafagsuguanan am,

Isayas 27:9

Kanya ban fag ngay taw nu narasras tua at nawat at fagirugan fag ngay gang, ay nu narufa wan anggan andudug ay gfuan at ngay fagirugan famaebebanglu ay ngay turuk fagtoglagan Asera fag fagsegan, gfalyam kwan at ngay asalanan.

Isayas 33:24

Sis Erusalem wa ban e glong te, “E fakasaitun au.” Ay Dius ban gfalyam wan tagsanya at ngay asalanan.

Isayas 35:4

Foyungi tua sas fagayu takalimu te, “Lag am kalimu. Faksvni tua ay amatanganan. Umdasug ban ay Dius laman gfasud ay ngay fawayan, ay namalangfe ayu.”

Isayas 43:25

Au at nafalyam am ngay asalanan laman sa angku, ay kwa ban gamatangan ya.

Isayas 44:22

Ay nafalyam kwan am ngay asalanan kata sik linyabu ay sik ayuyus nu kalyam. Afolii sa angku laman gfalangfe au emu.”

Isayas 49:25

Dewa katanya, Yawi nabalus te, “Kin, mafalangfe tuo am ngay fawayan at ngay nataban, ay manamul yay o at nabul fag ngay ramraman. Namawayan au at nafawayan emu ay namalangfe au am ngay taw.

Isayas 51:17

Furuan Erusalem, afuloi wan! Yawi at dotama kata sik fanlangu am nafamin, ay granranugan o.

Isayas 53:5

At matuyan, siginan tam fakamaboun kanya anke fakarukan, ay kanya nafalangan aroro sa tam fagmauriun. At nadalan wan fag fagidapun at nafae fagmasineun antam, ay siginan at faginke fakarukan anfia tua tam.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Isayas 54:15

Ay nu e nanamawayan ban emu, kanya bunwa ku nasugu. Ay nusnga sinu ban at nanamawayan ayu gababawan way.

Isayas 54:17

We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Isayas 6:7

Ay kanya nafatayuk kafag singsing afuy sa ku bibig ay nalong te, “Katsi nafatayuk kwan tuy fag singsing afuy sam bibig, nu katanya, wo e asalanan ya; nafalyam kwan.”

Isayas 61:7

Abat ngate ban am gafalingunan, ay gutluan ban duak kayu ay fagsegun, nu katanya, maksvn ban nu guseganan am. Ay kabavn ban manabayan tua nu gbanwan am.

Isayas 66:13

Namasun kban ayu kata sik mina nu gfasun at ngenge.”

Eremyas 16:18

Nu katanya, namasud au anya fagayu duak kaksvn at fagmauriun ay at asalanan, siginan nu gfasuya ku talun ay siginan at ngay fagsegan at mauri ay at yud gleleg.”

Eremyas 17:18

Falimui ay faplai fagayu tagfauri angku. Ay fadasugi sa anya fagayu fagmauriun laman umkamin wan. Dewa katanya, lag gfakamulun sa angku takatanya.

Eremyas 29:11

Nasaful kwan nu gfafasludan au ku ngay algan sa ayu, sa ay fagmasineun ay bunwa sas fagmauriun, ku algan laman gfae fagsegun au ayu ay gfae fagmanabayanun.

Eremyas 51:10

Yawi nafasud sa kafag ngay taw laman sa antam. Gewan, glo watam sas furuan Erusalem ay namoyung watam sa sangay taw Yawi tam Dius at nafakamulun fagayu.”

Takabalu 4:22

Am fag ngay taw tagbanwan sis furuan Erusalem, gakatabuun wan nu gfaurianan ayu. Ay wa ban glugo ya Yawi gfauli wan ayu siginan ay fagatabananan fag talun. Ay am fag ngay taw Edum, Yawi ban gfaurianan ayu. Aroro sa ay ngay asalanan, kanya ban gfasure ay fagmauriun.

Esekyel 16:42

Nu katanya, kalyam waban nu kadotama au ay nu kasulup au emu. Ay kwa ban gdog ya kadotama emu.

Daniel 11:35

Tiba bank taw tagsaful at matuyan gafaurianan laman ban umsik matuyan ay umsine at leleg anggan ban andasug at fakatabuan, Dius at nafalganan fag buknga.

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Daniel 12:9

Ay kanya gbalus te, “Fataglayuni, aroro at famalus am fagintoun ya kasaful ay wa masine glong yakmay ban andasug at fakatabuan.

Daniel 9:12

Nafafasludan o am ngay longan sa emi ay sa em ngay tagfangguna siginan nu gfaurianan o emi maksvn. Nu katanya, sas fagdaul daga wa batang e kaksvn Erusalem at nadalan.

Usea 2:14

Dewa katanya, nantaban au anya sas talun at yud e taw ay nandog au namaylatan anya yakmay nesug angku.

Usea 2:16

Yawi nalong sa sangay taw Israel te, “Gina ban am anfoli sa angku, gngayan ban am angku te, ay mangama ay wa ban am gngayan ya angku te, Baal.

Abakuk 2:3

Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Sefanias 3:15

Yawi wa namaurianan ya ayu, ay kanya ban nangaiyan wan ay ngay fawayan. Yawi wan talun Israel at Fun, ay kanya gufud tua ayu. Nu katanya, di ban am e fakalimuun ya takadasug sa ayu.

Sakaryas 1:13

Yawi nu gbalus at nafakamatoan angku fag tagbarita, malukme tua ay masun.

Sakaryas 1:15

Dewa katanya, maksvn nu kadotama au ngay talun ayu daul takaylat way gfauseganan at leleg. Ay ya oma fia son maksvn nu kadotama au anya, ay kanya yay fagayu at nafaksvn.’

Sakaryas 9:12

Am fag ngay natabanan at ke fagsegun yay kalfas, afolii wan sa ay ngay talun nu inda yud e gfauri ayu. Katsi glong au ayu te, nusnga seyu at nalyam si ayu, namafoli au duak kayu kanya.

Fakamulun 1:7

Isus gbalus te, “Ku Mama wa kaylat nu sumaful am nu ginain ban nu kafasludan takatanya.

Galasya 4:4

Dewa katanya, gina andasug at nafalganan fag menit, Dius nasugu at baguama ste swa daga. Kanya ansalug siginan sik mangena, ay gugali gfaning Muisis at Faugali.

At Nafasure 18:6

Fakamuluni sa anya kata at nafakamulun sa ayu, ay nu setain at nafakamulun sa ayu, fasudi dua ginan. Nu seyuk taya mapnu at nafakamulun sa ayu at mauri, fasudi sa anya duak kayu nya.