Isayas 40:11 - Fanawbuid tagsibaliwas Fakayabian

¹¹ Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Isayas 40:11 ပူးပေါင်းရင်းမြစ်များ

Fakasigadan 33:13

Ay Akub glong te, “Saful o te, maranan way ngay sisian nu glao, ay masine nu gulit au fia ngay fagbaugun riangan. Aroro nu gfabulun way tam gfalao ngay fagbaugun fagngabak menit, manbul ro.

Fakasigadan 49:24

Ay dewa katanya, anggan ban o, gfana o gugat anya fagayu, ay am ngay take ban mabitsug tua gugat, aroro siginan Akub at Dius at mabalyanan, Israel at tagulit ay at fagsarirungan at gubuk.

Alubad. 100:3

Asafuli te, Yawi wan tam Dius. Sia wan at nawat antam, ay itam wan at ngay taw. Kanya gulit antam kata ngay fagbaugun sis fagfafangonan.

Alubad. 27:10

Yawi, dewa ban ku mina ay ku mama naubun angku, galaga tuo gugat angku.

Alubad. 28:9

Falangfei ay fadantei am ngay taw. Ay kabavn ban alagai anya fagayu, kata sik tagalaga tupa nu gulit ay nu gbuba at ngay tupa.

Alubad. 37:3

Afanudi sas Yawi, ay fakamuluni at masine. Ay gbanwan ban o manabayan iste fag talun.

Alubad. 80:1

Israel at Tagalaga, malunggung o sim faglunggungan sis wabilug duak awatan ke ngay fakfak. Dungugi emi, aroro o tua tagfangguna ay tagtabanan Use at ngay kasugfunanan kata ngay tupa.

Isayas 42:3

Kanya ban di gfabayan at yud maksvn nu gafanud ay ngay yud e fagsegun. Ay gfae fagmatuyanun fia.

Isayas 63:11

Ay dewa katanya at ngay taw namatang at kinlangfe fag ngay menit, gina Muisis gtaban anya fagayu siginans talun Igiptu. Ay kanya fagayu nainto te, “Dada wan Yawi at nafadife antam sis dagat gasfuan tam tagfangguna Muisis takata sik tagulit tupa? Dada wan Yawi at nafon antam At Masine fag Falad?

Eremyas 31:10

Ngay talun dungugani ku longan, ay fadungugi sa tangayayu fag ngay furuan: nafarapyagan au ngay taw Israel, dewa katanya, namaful kyay ban ay nangalaga kata sik tagalaga fagbaugun nu galaga at ngay tupa.

Eremyas 31:8

Ay Yawi glong yay fia te, “Dungugani! Namul au ay namaful anya fagayu siginans fawalan fag alvngvdan, nusnga nday fag fungfung daga. Galo yangay anya fagayu, anggan at ngay yud glag, ay at yud malao, ay tagfafion, ay tagafasalugun wan. Ngayu tua bank taw takafoli.

Esekyel 34:15

Au, Fun Dius Yawi, galaga kban fia ay gfafiangalay ku ngay tupa.

Esekyel 34:16

Nanrvbvy kban fagayu at nalyam ay taginkalyaman. Ay namafia kban at ngay natayukan ay ke ngay fakasaitun, ay namabitsug kban fagayu at mamomuy. Dewa katanya, fagayu ban at mataglu ay at mabitsug namabul kwan. Ay nangalaga au fia ku ngay taw sas fagmatuyanun.

Esekyel 34:2

“Taw at baguama, nangaringang o sabaliwas Israel at ngay tagulit. Nanlong o sanya fag ngay taw te, ‘Fun Dius Yawi glong te, Afanyuan am. Ay fagalagaun ay ngay sadili way. O nunda tagalaga tupa, bunwa tupa at fagalagaun?

Esekyel 34:23

Ay nanfili kban tagalaga anya fagayu kata ku fagsuguan Dabid laman kanya nangalaga.

Esekyel 34:31

“Am wan ku ngay taw takata sik tupa tagsi ku fagfafangonan, ay au wan ay Dius. Au, Fun Dius Yawi taglong tuy.”

Esekyel 37:24

“ ‘Ku fagsuguan Dabid at kasugfunanan namagtainan ban anya fagayu. Sadi way ban tagalaga anya fagayu. Ay kanya ban fagayu gfaning tua ku ngay suguan ay ku ngay faugali.

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Mikas 7:14

Ngay taw Israel gdarangin te, “Yawi, alagai emi kata tagalaga tupa nu galaga at ngay tupa. Ngay talun sa em ligung, kasakan tua at fagfafangonan, dewa katanya, ami, siway mi lang sad araw. Fabiai em talun kata ebi gina ami sis Basan ay sis Gilyad.

Sakaryas 11:7

Nu katanya, naalaga au ngay tupa ngay tagfalao at fagnamilasun. Ay nanamul au duak tulag, at sadi nafangayan au te, Fagmasineun, ay at fadua nafangayan au te, Fagmasadiun.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.

1 Pedru 5:4

Ay nu ndasug ban Tiba Tungud fag Tagalaga tupa, kanya namauseganan ayu kabavn ban.

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”