Isayas 40:10 - Fanawbuid tagsibaliwas Fakayabian

¹⁰ Yawi tam Fun kadasug, ay namagtainan e fagmabalyananun. Kanya kadasug wan gbuba at ngay famonun sat ngay taw.

Isayas 40:10 ပူးပေါင်းရင်းမြစ်များ

Fakasigadan 15:1

Nu nlangfe ngayuk buknga, Yawi naringang sas Abram siginan sik taginfan. Nalong te, “Abram, lag o kalimu aroro au tagdiri emu. Ngayu ban ku fon sa emu.”

Alubad. 110:6

Ay gfaurianan yangay ban tibak talun at taw, gasfuan ngay fun sas fagdaul daga. Ay ngayu ban at mabulan sat ngay talun.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Isayas 28:2

Dungugani fagayu am! Tam Fun Dius e nafalganan sik mabitsug ay sik mabalyanan fag talun at ngay taw at nanrasras ban Samarya. Kanya fag ngay taw kata sik maksvn fag fulug, ay kata sik tagbia fag lugwak.

Isayas 33:2

Yawi, afanyui emi aroro gafanud tuami sa emu. Fabitsugi emi kayu menit, ay falangfei emi gina ami gidapan.

Isayas 49:4

Ay nalong au te, “Ku ngay nagdalanan fag fagidapun we fanambagun; nafangulan kway ku fagmabitsugun.” Yawi nafalganan wan at fagnamonun sa angku tagalvngvdan ku nafakamulun.

Isayas 51:5

Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Isayas 59:15

Anud, fagmatuyanun nalyam wan, ay fagayu tagsaruyan at mauri gafalingunan wan. Ay Yawi nalag takatanya, ay wa guseganan aroro we gfawabilugan ya.

Isayas 59:16

Yawi andulo sat nalag te, nusdi sadi we nagubuk ngay tagafalingunan. Nu katanya, kanya nafasure at fagmabalyananun nu gfalangfe ngay tagafalingunan. Ay aroro sat fagmatuyanun, nagubuk tua anya fagayu.

Isayas 59:18

Kanya namasud at ngay tagfawayan kata at nafakamulun, anggan sa tangayayu fag ngay furuan. Ay kanya ban fagayu lumag wan at dotama.

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Isayas 63:5

Andulo au aroro nusdi sadi we nagubuk angku. Nu katanya, siginan ku fagmabalyananun au way lang at nafalangfe ku ngay taw. Ku dotama wan at nasugu angku laman gfaurianan au ku ngay fawayan.

Eremyas 31:16

Dewa katanya, Yawi nalong anya te, “Lag o gwayway ya aroro gfon kban sa emu famonun sas fagayu am nafakamulun. Am ngay baguama ban kafoli yay siginan at ngay fawayan at talun.

Malakyas 3:1

Dungugani, Yawi at Mabalyanan glong te, “Namadasug kban ku fagsuguan laman namalganan ku dalan. Sanya ginan, ay fagfanyaun fag Fun umdasug wan sat bale. Kadasug ban ku fagsuguan at namafasludan ku nasadian.”

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Uan 12:13

Ay kafag ngay taw nanamul sik ngay don taya maragbuk laman namablang Isus, ay nauro te, “Fauseganani Dius! ‘Mauseganan takadasug sas Dius at fagmabalyananun.’ Ay mauseganan taw Israel at Fun.”

Uan 12:15

“Ngay taw Erusalem, lag kalimu! Damai, ay Fun kadasug wan! Kanya gsakay si sik riangan asnu.”

Ebreu 2:14

Dakngani at ngay sisian sik taw fia, anggan Isus sik taw yangay fia, kanya, kata kafag ngay taw, e faknul ay e taguk, laman siginan at nabulanan nababo wan Satanas ke fagmabalyananun sas fakabulun.

1 Uan 3:8

Ay fagayu tagfataglayun gasalanan, kanya Satanas way at taw. Aroro siginans fakasigadan Satanas gfakamulun gugat asalanan. Ay Dius at Baguama at fagindasugun, laman namamin Satanas at fakamulun.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.

At Nafasure 22:12

“Amatangani, gakadasugun kwan. Gbuba au ku famonun ku fagnamonun sas galay sadik taw kata at nafakamulun.