Isayas 40:1 - Fanawbuid tagsibaliwas Fakayabian

¹ Dius nalong te, “Fasuni ku ngay taw.

Isayas 40:1 ပူးပေါင်းရင်းမြစ်များ

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Alubad. 85:3

ay nafalyam yangay o am dotama.

Alubad. 85:8

Nandungugan au Dius at longan. Kanya namatuyanan fagmanabayanun sa antam at nafili ay at matuyan fag ngay taw. Nu katanya, lag ban tam kafoli ya sa tam fagyudun mamatanganan.

Takamoyung 3:4

E buknga galiasun, ay e buknga kase, ay e buknga kabalu ay e buknga guseganan.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 3:10

Nanlong am sat matuyan fag ngay taw te, “Anud, mauseganan am, aroro gbul ban am ay nainlufuyan siginan ay nafakamulun at masine.”

Isayas 41:27

Au Yawi, at nalong takatanya sas Siun, Erusalem fag furuan. Nasugu au sik tagfosuk longan laman namoyung ayu at masine fag barita te, ‘Andasug wan taggubuk ayu.’

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 51:12

Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 52:9

Am at kinrasras fag ngay afud Erusalem, asfuani alubadi useganani, aroro Yawi namasun wan at ngay taw ay namalangfe wan Erusalem.

Isayas 60:1

“Erusalem, alunggungi wan, ay yamagi kata menit, aroro andasug wan am tagfalangfe. Yawi ban at fagmabalyananun tagyamag emu.

Isayas 61:2

Nasugu yangay angku laman namoyung au te, katsi fag buknga Yawi namalangfe at ngay taw ay namaurianan at ngay fawayan. Nasugu yangay angku laman namasun au ngay takabalu sas Siun. Abat ngate gfoli dafug sat alfuyu laman famasaful te, kabalu, kanya naugwag way langis ay nasangboan barugwak at famasaful te, e fagmanabayanun. Ay kanya umkata ngay fun kayu at mogat, Yawi at natanum. Ay e gtoglag ban anya fagayu te, at matuyan fag ngay taw tagfauseganan Yawi.

Esekyel 16:42

Nu katanya, kalyam waban nu kadotama au ay nu kasulup au emu. Ay kwa ban gdog ya kadotama emu.

Sakaryas 1:13

Yawi nu gbalus at nafakamatoan angku fag tagbarita, malukme tua ay masun.

Sakaryas 1:17

Ay tagbarita nalong yangay sa angku te, “Katatuy Yawi at Mabalyanan at longan: ‘Gdog kyay namae ramraman ku ngay furuan tagsis Uda. Ay gdog kyay namasun Siun, ku nafili fag furuan Erusalem.’ ”

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

2 Kurintu. 1:4

Kanya wan tagfasun antam sas fagayu tam fagidapun, laman mafasun yangay tam fagayu at ke fagidapun, kata Dius nu gfasun antam.

1 Tesalunika 4:18

Nu katanya, fadfamatangani tua takatanya fag ngay longan laman gfabitsug ay ngay amatanganan.