Isayas 4:6 - Fanawbuid tagsibaliwas Fakayabian

⁶ Ay at fagmasuloun kata sik famalanbung gina maroy ay sik fagsarirungan gina gfulug.

Isayas 4:6 ပူးပေါင်းရင်းမြစ်များ

Alubad. 27:5

Sis buknga fagidapun, o way lang ku fagnansarigan, gfasuksuan tuo angku sam bale, ay gtabanan o angku sa sik tungud fungsu.

Alubad. 55:8

Ay nanrvbvy au masakit sik mabayan fag fagsuksuanan, laman umlangfe au siginan ku ngay fawayan nu kadotama takata sik maksvn fag fulug.”

Alubad. 91:1

Tiba Tungud fag Dius at mabalyanan, gfae fagbanwanan tua nusnga sinu tagsarig sa anya.

Fangatulun 18:10

Yawi kata sik bale tangabat ay at mogat, ay at matuyan fag taw at fagnansarirungan gina e malimu.

Isayas 14:32

Tain ban tam famalus sa kafag talun at ngay nasugu? Tam famalus ban glong tam te, ‘Yawi tua at nawat Buksul Siun, ay at ngay taw tagidapan nu nansarirung sanya wan.’ ”

Isayas 25:4

O wan tagbalabag at ngay tagafalingunan ay tagfon at nayudanan gina e fagidapun fag buknga. O wan at fagsarirungan gina e fulug ay gina masugba. Aroro at madot fag ngay taw nu kadasug kata sik fulug nu gfalang sas alad,

Isayas 30:30

Ay sanya Yawi namadungug at mabalyanan fag aringang, ay namasure at daluap laman gfasaful te, mafalganan wa namauri aroro maksvn nu kadotama. Gfasfuan sik tagigang fag afuy, ay arak way nu umbusbus, ay glimbad ay gtalafun, ay arak yelu kadaul ngay gang ayu sirut.

Isayas 32:1

E sik fun matuyan tua nu gfunan, ay at ngay tagfangguna anke fagmanabayanun nu gfangguna.

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 8:14

Au ban ay fagsarirungan. Dewa katanya, nu sa sangay taw Israel ay sa sangay taw Uda, kata kway sik fakataidan fag gang. Ay nu sa sangay taw tagbanwan sis Erusalem, kata kway sik sangdaw.

Esekyel 11:16

“Nu katanya, nanlong o sa am ngay iba at natabanan te, ‘Au, Fun Dius Yawi, glong au te, dewa au nafatabanan ay nafasaruayan ayu sa tibak talun, galo kyay gugat ayu laman mafauseganan am angku.’

Ebreu 11:7

Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

At Nafasure 7:16

Kanya fag ngay taw wa ban kalunus ya ay wa ban kadanum ya, ay menit ban at sugba ay nusnga setaw fag masugba wa ban mafaidapan ya anya fagayu,