Isayas 4:5 - Fanawbuid tagsibaliwas Fakayabian

⁵ Ginanya ban, Yawi nangawat linyabu laman glanbung furuan Erusalem ay sas fagayu at maful sanya, kaduge mamenit. Ay nangawat yangay ban sik afuy tagigang laman gyamag gina mayabi. Siginan ban takatanya, at fagmasuloun nanuklub furuan Erusalem.

Isayas 4:5 ပူးပေါင်းရင်းမြစ်များ

Nemyas 9:12

Ay gina am ngay taw glao swa menit, gfangguna o siginan sik turuk linyabu, ay gina sad yabi, gfangguna o siginan sik turuk afuy, laman glag sat ngaba dalan.

Alubad. 105:39

Kaduge kanya fagayu glao swa menit, Dius gfae linyabu laman taglanbung, ay galay yabi gfae afuy laman at salung.

Alubad. 111:1

Segi Yawi! Gfauseganan au anya sas fagdaul ku amatanganan sit matuyan fag ngay taw at fagmafulan.

Alubad. 78:14

Dius gtabanan ngay taw Israel: Ay kayu menit, kanya nafangguna anya fagayu siginan sik linyabu, ay kayu yabi, siginan sik afuy at yamag.

Alubad. 85:9

Anud, kanya mafalganan gugat gfalangfe fagayu tagsuyu anya, laman gfalag te, at fagmabalyananun si tua antam ay si tam talun.

Alubad. 89:7

Am ngay tagbarita at yud e malong gina maful gsuyu emu. Ay amabalyanan yap tuo ay amalimu sas fagayu tagsim ligung.

Nu Galin 14:24

Ay gina gakamenitun wan, siginans turuk linyabu ay turuk afuy, Yawi nadama talun Igiptu at ngay tagfawayan, ay nafalyam kanya fagayu at amatanganan.

Nu Galin 24:16

Ay Yawi at kamasuloan anlag sis Buksul Sinay. Ay kaduge unumk menit linyabu nasuklub buksul. Ay sis fafituk menit, Yawi nauro Muisis siginan sad linyabu.

Nu Galin 26:1

“Katatuy am fagnamawatun fag Fagnansegan fag Bale Ramit. At ngay fangawat: safuluk girat at masine fag ramit, melo, maubian, ay maraska. Ay sugui sa tagsaful kawat te, fae aninui kafag ngay ramit ngay awatan at ke fakfak.

Nu Galin 26:7

“Namawat o labi sadik girat fangugun bale ramit, at fangawat siginans kambing at sigyu.

Isayas 32:18

Fagayu am ku ngay taw, manabayan ban nu gbanwan am, ay anlangfe wam siginans faurianan. Ay di ban e gfasalag ayu.

Isayas 33:20

Damai Siun, tam fagnangafulan fag furuan kayu ginan tam e fagmafulun. Kanya fag furuan at sadi at ngayan Erusalem, sik manabayan fag furuan at masine nu kabanwan. Kanya kata sik mogat fag bale ramit, ay at ngay turuk di kagulad ay fagayu at ngay siuk di mgatvng.

Isayas 37:35

Gdiri kban ay namalangfe tuy fag furuan laman e namauseganan angku ay aroro ebi nafatuyanan au sa ku fagsuguan Dabid.”

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Isayas 60:1

“Erusalem, alunggungi wan, ay yamagi kata menit, aroro andasug wan am tagfalangfe. Yawi ban at fagmabalyananun tagyamag emu.

Isayas 60:2

Sik maksvn ban fag fagmadulumun sumuklub ngay talun sas fagdaul daga, dewa katanya, Yawi ban at fagmabalyananun tagyamag emu.

Mateu 18:20

Aroro nusnga nday at maful dewa duak taw ay tuluk taw nu gseg tua angku, sanya kyangay sit wabilug.”

Mateu 28:20

Foyungi sa anya fagayu, laman gfaning fagayu ku longan sa ayu. Matuyan, si ktua ban gugat ayu, sitsigons fagdaul daga at fakatabuan.”