Isayas 4:2 - Fanawbuid tagsibaliwas Fakayabian

² Dewa katanya, ginanya ban fag buknga, Yawi gdog yay namasine ay namarabung fagayu fananumun sis Israel, ay at ngay gutluan ban gfae fagusegananun ay gfae fagfanagsagun sat kinsawad fag ngay taw Israel.

Isayas 4:2 ပူးပေါင်းရင်းမြစ်များ

Alubad. 67:6

Ngayu at faggutluun sa sangay fagtanuman. Aroro tam Dius nafon tua sa antam nusnge wain. Ngay taw nangus sas fagdaul daga gsuyu tua anya.

Alubad. 72:16

Takagutlu nangus sas fagdaul talun umkayu, anggan sas tungud buksul. Ngay fun kayu at ke rawvg ngayu tua nangus gugat kata sis talun Lebanun fag araw. Ay ngay taw nangus sa sangay furuan umkayu kata ngay makmak nu ngayu.

Nu Galin 28:2

Fawati at yud e mamalong fag ngay lanbung laman sam kaka Arun laman gfauseganan anya.

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 27:6

Umdasug ban sik menit ngay taw Israel, Akub at ngay kasugfunanan, umke lalid yay kata sik tanum. Ay kanya ban umke ngay sanga, ay umke ngay barugwak, ay rumawvg ngayu, anggan umkapnu sas fagdaul daga.

Isayas 30:23

Yawi ban gfarak gina sis fantanuman fag buknga, ay umkayu ban ay tanum at rawvg. Ay fagayu ay ngay fagbaugun nu gfangonan sat tagbia fag fagnamafangonan.

Isayas 45:8

Namae fagmatuyanun au fagayu taw, kata banwa ay linyabu nu gfae arak. Nu katanya, fakalangfean ay fagmatuyanun umrapyag sas fagdaul daga kata sik ngay tanum nu gtugbung. Au Yawi at nafakamulun takatanya.

Isayas 53:2

Yawi at fagsuguan tagfaning anya kaksvn tua kata sik tanum at bagu gtugbung ay taglalid tua dewa sat matat fag daga. Kanya wa masine ya ay we famaylatan ya laman kakbang tam anya.

Isayas 60:15

Dewa nafamabo ay nafauri emu, ay wa nafae masuad, namasik takadungug kban emu kabavn ay fagayu ban kasugfunanan guseganan.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 61:11

Aroro nu setain ngay fananum nu gtugbung sis daga, katanya yangay Yawi tam Fun nu gfasure fagmasineun ay famauseganan sas fagayu talun.

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Eremyas 33:15

Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.

Eremyas 44:14

Fagayu ban am at kinsawad fag ngay taw Uda at nanamanwan sas talun Igiptu kabul waban am. Wa ban am malagyu ya sas Uda dewa am kaylat yay kafoli ay namanwan sanya. Wa ban am mauli ya nu bunway nusnga sinu way lang ban at nalagyu.”

Eremyas 44:28

Ay dewa ban anke sawad siginans fagawayanan ay anfoli sas Uda, wa ban am ngayu ya. Siginan ban takatanya at kinsawad fag ngay taw Uda tagbanwan sis talun Igiptu, sumaful te, sinu ke longan at matuyan: at ngay longan o ku longan.

Esekyel 34:29

Namon kban sanya fag ngay taw at masine fag talun ay tangayu fag gutluan laman ban di kalunus, ay laman ban tibak talun at taw di gfalingun.

Esekyel 36:8

“ ‘Ay siban ayu fag ngay buksul tagsis talun Israel, gtugbung ngayuk kayu tagrawvg laman sa ku ngay taw Israel, aroro ku ngay taw ban guli way vtv.

Esekyel 7:16

Ay fagayu ban at yud anbul lumagyu sa sangay buksul, ay gwayway kata labikung nu guni, aroro sat ngay asalanan.

Uel 2:32

Ginanya ban, nusnga sinu fag taw taget gubuk sas Yawi, umlangfe sanya ginan fag faurianan. Aroro Yawi nalong te, umke sawad yay ban ngay taw Israel sis Buksul Siun, at masuad te, Erusalem. Kanya fag ngay taw Yawi at nafili ay at nafalangfe.

Uel 3:18

Ginanya ban fag buknga, umramraman am. Ay umkapnu ban sa ay ngay fagsuadan ngay fanlangu siginans wat ubas. Ay umkayu yangay ban ay ngay baka ay ngay kambing sa sangay fagnamafangonan. Ay ay ngay liskung ban di kalanggang. Ay e gbulbugan ban siginans Yawi at bale ay nanfamilugan sa sangay fun akasya fag datag.

Ubadyas 1:17

Dewa katanya, taw Israel ban e kasawad yay sis Buksul Siun, ay kanya ban umsik matuyan fag furuan, ay Akub ban at kasugfunanan gdog yay nangagbilug at daga.

Sakaryas 3:8

Ay katsi, Uswe fag tagfon fanggalangun dungugani: o ay am ibama fag ngay tagfon fanggalangun kata sik fagtoglagan takafasludan ban. Namasure au ku fagsuguan at nafangayan te, Sanga.

Sakaryas 6:12

Nanlong o sas Uswe te, au Yawi at Mabalyanan glong au te, ‘Kafag taw at ngayan te, Sanga, gtugbung ay namadog ban namawat Yawi at bale. Kanya ban umsik fun ay e gfauseganan ban anya. Ay e tagfon fanggalangun nanmalindug sit day faglunggungan ay kanya fag dua masadi.’

Malakyas 3:17

Yawi at Mabalyanan nalong sa sangay tagafanud te, “Gina kban gfaurianan fag menit, gagbilug kban ayu, ay gtuyan au te, am wan ku ngay taw. Kwa gfaurianan ayu, kata sik mama nu yud gfaurianan at ngay sisian tagfaning anya.

Mateu 24:22

Dius ban nu dway ban nafagud kanya fag buknga, wa ban e gleleg ya. Ay dewa katanya, aroro kesug tua at nafili fag ngay taw, gfagud way ban ginanya fag buknga.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

2 Pedru 1:16

Em foyungan sa ayu sa baliwa tam Fun Isus at fagmabalyananun nu gdog ban kadasug, bundi lang siginans taw at fagsafulun ay at fagmamatanganun. Nu bunway nalag ami fia at fagmabalyananun,