Isayas 38:3 - Fanawbuid tagsibaliwas Fakayabian

³ “Yawi, amatangani tua ku ngay nafakamulun at matuyan, ay nasaful wo te, fagdaul ku amatanganan nafaning ktua emu, ay fagdaul ku nafakamulun masine tua sa emu.” Ay kanya gwayway maksvn.

Isayas 38:3 ပူးပေါင်းရင်းမြစ်များ

Fakasigadan 17:1

Abram at banwa gina siamk safulu e siam, Yawi ansure sa anya ay glong te, “Au wan at mabalyanan fag Dius. Glong au te, faningi tua gugat angku ay ugalii at yud e kalong.

Fakasigadan 6:9

Katatuy at fansulitan sabaliwas Nui talanan. Nui sik matuyan fag taw. Ay ginanya fag ngay buknga, sia way lang at yud e kalong, ay at masadi gugat sas Dius.

1 Fun 15:14

Ay Asa deyud naiklas ngay fagnansegan sa tangabat fag ngay buknga, kaduge kanya gleleg matuyan tua gugat sas Yawi.

1 Fun 2:4

Nu gfaning tua ban o takatanya, Yawi namafasludan at fatuyanan sa angku te, ‘Am ngay kasugfunanan ban nu gugali tua at masine, ay nu gbanwan tua at matuyan sa ku daga salubangan sas fagdaul at amatanganan ay at basad taw, kanya tua ban gugat tagfunan sas Israel.’

2 Fun 18:3

Esekyas nafakamulun at matuyan sis Yawi at daga salubangan, kata at mangaguyang Dabid.

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

1 Krunika 29:19

Ay gubuki yangay ku baguama Sulumun laman kaugat yay nu matuyan ay nu gfaning am ngay suguan, ay am ngay foyungan, ay am ngay faugali ay nu gfakamulun fagayu laman gfawat am Bale ku nafalganan.”

1 Krunika 29:9

Ngay taw nauseganan at ngay tagfangguna aroro nu gfon sas Yawi di gafabulunan. Ay fun Dabid maksvn yangay nu guseganan.

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

2 Krunika 25:2

Masine Amasya at nafakamulun sis Yawi at daga salubangan, dewa katanya, kanya wa fia nafaning Yawi.

Esra 10:1

Kaduge Esra gtudan gdarangin sis salubangan Dius at bale, kanya gwayway ay gfoyung taw Israel at ngay asalanan. Ay ngayuk taw Israel, mangama, mangena ay sisian tagligung anya, gwayway yangay maksvn.

Nemyas 1:4

Ay nu nadungug au takatanya, namalunggung au ay nawayway. Ngayuk menit nu kabalu au, ay nadarangin yud gfangon, sas Dius tagsis banwa at daga salubangan.

Nemyas 13:14

Sanya ginan nadarangin au te, “Ku Dius, amatangi angku ay lag kalyam ku fakamulun at matuyan laman sa am bale ay tiba yak fakamulun ste.”

Nemyas 13:22

Sanya ginan, nasugu au ngay taw Lebi te, “Fasinei ay uliti ngay sakbawan laman ngay taw gfae tungkul tua Famiangalay fag Menit.” Dius, aylati ku nafakamulun ay afanyui angku, kata ay maksvn fag fakesugun.

Nemyas 13:31

Natuyan kyangay te, falganani ngay famaygang laman gina namon fanggalangun e famaygang tua kasakan, ay anggan ngay taguna fag gutluan laman mafalganan wa gugat. Ay nadarangin au te, “Ku Dius, amatangi angku ay gubuki.”

Nemyas 5:19

Ay gdarangin au te, “Ku Dius, amatangi angku ay gubuki nu gfakamulun au laman stae fag ngay taw.”

Alubad. 101:2

Ay dewa kban si ku bale, nangugatan au namakamulun at matuyan. Yawi, ginain ya ban nu kadasug o sa angku?

Alubad. 102:9

Kwa gfangon ya, abat ngate, malunggung au gwayway sisad dafug, ay ku liasun ganting ay ansuglat sa ku fanginum.

Alubad. 119:80

Nafafaning ktua nangus am ngay foyungan, laman ban kdi kapla.

Alubad. 16:8

Kabavn gamatang ktua gugat emu, ay kdi kamomuy, aroro gufud tuo gugat angku.

Alubad. 26:3

Aroro gamatang ktua gugat nu mafangesug o, ay gugali ktua at matuyan.

Alubad. 32:2

Mauseganan sik taw, Yawi nu ddi gamatang ya at ngay asalanan, ay nu ddi gfandaya ya sat amatanganan.

Alubad. 6:6

Siginan ku nafandengan sak au anmomuy. Galay yabi gwayway au, ay ku liasun gfabasa gugat ku tangil.

Alubad. 6:8

Fagayu ku fawayan, ayayui wan siginan angku, aroro Yawi nadungug nu gwayway au.

Isayas 38:2

Ay Esekyas nu nadungug katanya, kanya nasalubang sas dingding ay gdarangin sas Yawi te,

Isayas 38:4

Yawi nalong sas Isayas te,

Usea 12:4

siginan at tagbarita, ay nababo. Ay kanya gwayway gfainfanyu sanya fag tagbarita te, “Fadantei angku.” Kanya nalag Dius sis Betel, ay sanya Dius nafakamatoan anya.

Uan 1:47

Natanael nu munakbang wan, Isus glong te, “Damai, sik matuyan fia fag taw Israel, kanya di kamaningan lang.”

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

Deuterunumyu 6:18

Fakamuluni at matuyan ay at masine sis Yawi at daga salubangan. Laman umsine ay kayaunanan ay magbilug am at masine fag daga at nafatuyanan sa ay ngay mangaguyang.

Ebreu 5:7

Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.