Isayas 38:19 - Fanawbuid tagsibaliwas Fakayabian

¹⁹ Tagseg emu tagleleg way lang fagayu kata ku fakamulun katsi. Fagayu ban sugfun taw gfoyung sat fadogan fag sugfun taw sabaliwa am fagmatuyanun.

Isayas 38:19 ပူးပေါင်းရင်းမြစ်များ

Fakasigadan 18:19

Nafili au anya laman namafasludan sat ngay sisian ay sat kasugfunanan ku balyawvtan laman gfakamulun at matuyan ay at mafanud. Nu katanya, umfasludan ban ku ngay fatuyanan sa anya.”

Alubad. 118:17

Dewa ngayu ku ngay fawayan, kya nbul, gleleg kyay dasug katsi, laman gfoyung kban gugat Yawi at ngay nafakamulun.

Alubad. 119:175

Fataglayuni nu gleleg au, laman gfauseganan ktua emu, nangus am ngay faugali tua taggubuk angku.

Alubad. 145:4

Ay galay ban kasugfunanan gfoyung sat ngay sisian, sabaliwa am ngay nafakamulun at mabalyanan.

Alubad. 146:2

Kabavn ban gfauseganan au Yawi ku Dius, ay kaduge kban gleleg, galubad au gfauseganan anya.

Nu Galin 10:2

ay laman ban mafansulit am sa ay ngay sisian ay sa ay ngay fufu, nu setain nu gfaurianan au maksvn ngay taw Igiptu ay nu gfakamulun au at ngay madulo sa sangay taw. Ay laman ban sumaful am te, au Yawi.”

Takamoyung 9:10

Fakamuluni am fakamulun kaksvn am fagmakatuun, aroro sa ban at ngay kinbul at fagbanwanan am fakadasugan wo e fakamulun ya. Ay sanya wa yangay e gamatangan ya ay wa yangay e mamatanganan ya ay e fagsafulun.

Uel 1:3

Foyungi ban tuy fagayu sa ay ngay sisian, ay ay ngay sisian ban gfoyung yangay sat ngay sisian, ay kanya ban fagayu gfoyung yangay anggan sat fadogan fag ngay kasugfunanan.

Uan 9:4

Kaduge mamenit yay, masine nu gfakamulun tam at nasugu angku at fagyafakamulunun. Aroro nu nyabi wan, we taw ya mafakamulun.

Deuterunumyu 11:19

Foyungi ban sa ay ngay sisian, ay longi ban gugat gina am si ay bale ay gina am glao, ay gina am nantiug, ay gina am anfulo.

Deuterunumyu 4:10

Amatangi ebi gina am nanangalindug fag menit sa ay Dius Yawi at daga salubangan sis Buksul Sinay, nu inda nu glong angku te, “Fafuli ngay taw Israel si ku daga salubangan laman gdungugan ku ngay longan ay laman ban gsuyu tua gugat angku kaduge gleleg ay laman ban mafoyung tua sat ngay sisian.”

Deuterunumyu 4:9

Dewa katanya, am madiriani tua! Lag am kalyam nusnge wain ay nalag Yawi at nafakamulun. Ay amatangi tua gugat tuy kaduge am gleleg.

Deuterunumyu 6:7

Foyungi ban sa ay ngay sisian. Ay longi ban gugat gina am si ay bale ay gina am glao, ay gina am nantiug, ay gina am anfulo.