Isayas 38:16 - Fanawbuid tagsibaliwas Fakayabian

¹⁶ Fun Dius, aroro sa am nafakamulun, gfabitsug tuo gugat ngay taw at amatanganan, ay nafabitsug tuo anggan ku amatanganan. Nafafia tuo angku ay naylat yay o nu gleleg au.

Isayas 38:16 ပူးပေါင်းရင်းမြစ်များ

Alubad. 119:25

Antaygilid au ay gakabulun kwan, nu katanya, fabitsugi angku kata am fatuyanan.

Alubad. 119:71

Masine at kindasug sa angku fag fagidapun, aroro siginan takatanya, nasaful ktua am ngay foyungan.

Alubad. 119:75

Yawi, nasaful au te, am ngay faugali matuyan, ay aroro matuyan o, nafaurianan o angku laman sumaful au at matuyan.

Alubad. 30:3

Nafalangfe o angku siginans fakabulun. Gina au glao sas fagfolian, nafasaruyan tuo angku.

Alubad. 39:13

Faragangi wan nu kadotama o angku, laman ban batang kyay guseganan, gina au gakabulun.”

Alubad. 71:20

Dewa o nafadasug sa angku ngayuk fagidapun, nafon tuo angku sik fagmabitsugun. Ay kata au sik taw at kinbul, am fagnamalelegun.

Isayas 64:5

Guseganan tuo ngay taw tagfakamulun at matuyan, ay tagfaning am ngay balyawvtan. Dewa katanya, kauri way o emi, aroro gfataglayun way mi gugat nu yud ami gfaning am ngay balyawvtan. Nu katanya, tain ro nu kalangfe ami?

Mateu 4:4

Ay Isus gbalus te, “Duan. Anriruk wan sas Dius at Longan te, ‘Sik taw nu gleleg, bundi siginan langs fakonun, siginan tua Dius at Longan fagayu.’ ”

1 Kurintu 11:32

Ay nu tam Fun wan taginsaful tam asalanan, kanya gatul antam laman ban di tam kadasug sas faurianan magamut fagayu taw ste swa daga.

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Deuterunumyu 8:3

Ay nafasik takamababaun ayu siginan sik fanlunus. Ay sanya ginan nafon ayu mana, am ay anggan ay mangaguyang ay fagyudun toglag fag fakonun. Yawi nafakamulun takatanya laman namoyung ayu te, bundi lang sis fakonun taw nu gleleg nu bunway si tuas Yawi at ngay longan.

Ebreu 12:9

Dewa tam mama ste swa daga gatul tua antam, ay gsuyu tua tam anya. Nu katanya, faugati yap nu gfaning tam tam Mama tagsis banwa, laman ban e leleg tua tam.