Isayas 38:14 - Fanawbuid tagsibaliwas Fakayabian

¹⁴ Naet au gubuk at kaksvnan nu garingang au, kata way lang sik alfasang ay mannga sik baratingan nu guni. Ay gfandeng au kata sik labikung nu guni. Ku mata kalufuy wan nu gtangda banwa. Yawi, gubuki wan angku; maksvn wan nu gidapan au.

Isayas 38:14 ပူးပေါင်းရင်းမြစ်များ

Ub 17:3

Dius, gubuki angku. O way lang at mafagubuk angku.

Ub 30:29

Ay nu garingang au, kata idu talun nu gsubang ay kata sliaw nu guni.

Alubad. 119:82

Wa mayamag ya nu kamanawan au, nu gfanya au am fatuyanan sa angku. Ay ginto au te, “Ginain ya ban nu gfabitsug o ay gfasun angku!”

Alubad. 143:7

Yawi, gubuki angku masakit, aroro kwe fagsegun ya. Ay lag gtalyuyan angku, aroro mankata au ngay taw at kinbul wan.

Alubad. 55:2

Dungugi angku, ay balusi ku fagetun, aroro ku ngay fagidapun nasuklub angku.

Alubad. 69:3

Dius, kalufuy kwan nu get au sa emu gubuk, ay gafago kwan. Kwa bangan glag ya nu gfanya au am famalus ku darangin.

Isayas 59:11

Gina tam sis fagidapun, kata tam sik usu nu gsubang, ay gfandeng tam kata sik labikung nu guni. Gfanya tam Dius nu gfaurianan tam ngay fawayan ay nu gfalangfe antam, dewa katanya, ya gugat kafasludan.

Takabalu 4:17

Gyawyawa wan nu kamanawan ami at kadugean nu gfanya ami em ngay fagadgalangan fag talun nu ggubuk emi. Ay gulit ami gugat si em fagulitan laman gfanya em ngay fagadgalangan fag ngay talun at yud ngap makatu gfalangfe emi.

Esekyel 7:16

Ay fagayu ban at yud anbul lumagyu sa sangay buksul, ay gwayway kata labikung nu guni, aroro sat ngay asalanan.

Naum 2:7

Ay e nafoyung wa sabaliwa ayu te, e nanggamat ban ayu, ay nantaban sa tibak talun. Ay ginanya ban at fagsuguan fag ngay mangena gfandeng ay gwayway kata labikung nu guni, kaduge gtalaptap at mesa dubdub aroro maksvn nu kabalu.

Naum 2:8

Ngay taw at nalagyu siginans Ninibe kata sik mamam tagfamilugan siginan at marufan fag fagsuadan. At ngay fadgaloan nanguro at nalagyu laman kafoli ay nusdi sadi we nfoli.

Ebreu 7:22

Ay aroro Dius nafatuyanan takatanya, Isus wan tagfatuyan sa antam te, at bagu fag nasadian gtungud tua nu masine.