Isayas 37:2 - Fanawbuid tagsibaliwas Fakayabian

² Kanya nasugu Elyakim, tagulit at bale, ay Sebna fag tagalaga salapi, ay anggan tiba tungud fag ngay tagfon fanggalangun laman glao sas Isayas fag taglong, Amus at baguama. Kanya fagayu galanbungan saku.

Isayas 37:2 ပူးပေါင်းရင်းမြစ်များ

2 Fun 18:18

Kanya fagayu nafauro fun Esekyas, ay dewa katanya, at nasugu Elyakim, Kilkya at baguama, tagfunan sis fun at bale, ay Sebna fag tagalaga salapi, ay Ua, Asaf at baguama, tagalaga ngay rirukan sit fagfagtainanan nanamablang anya fagayu.

2 Fun 19:2

Kanya nasugu Elyakim, tagulit at bale, ay Sebna fag tagalaga salapi, ay anggan tiba tungud fag ngay tagfon fanggalangun laman glao sas Isayas fag taglong, Amus at baguama. Kanya fagayu galanbungan saku.

2 Krunika 20:20

Ay balabag di sbalabag Eusafat ay at ngay ufud nalao sas Tekwa fag talun at yud e taw. Ay kaduge kanya fagayu glao Eusafat anragang ay nalong te, “Ngay taw Uda ay ngay taw Erusalem, dungugani angku! Afanudi sa ay Dius Yawi, ay faksvni tua ay amatanganan. Ay afanudi yangay sat taglong ay gbabo ban am.”

Ester 4:1

Mardukyu nu nasaful fagayu at kinfasludan, kanya nagirat at lanbung laman gfalag te, kabalu. Ay kanya nasulun saku ay nafasat alfuyu dafug, ay nasakbo sas furuan daul ay gwayway.

Isayas 1:1

Tuy fag fafil gfayamag sabaliwas Dius at nafalag fag taginfan sas Isayas, Amus at baguama, sabaliwas Uda ay Erusalem ebi gina Usya, Utam, Akas ay Esekyas gtudtubusan gfunan sis Uda.

Isayas 20:2

Gina yud anfasludan katanya, Yawi nalong sas Isayas, Amus at baguama te, “Buli wan am lanbung fag saku ay anggan am lapak.” Ay Isayas nafaning at longan, ay kanya glodloan gasifayanan way lang ay wa galapakan.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Isayas 22:15

Ay tam Fun, Yawi at Mabalyanan nasugu angku laman nanlag au sas Sebna fag tagulit fun at bale daul, laman glong sa anya te,

Isayas 22:20

“Ginanya ban fag menit, namasanya au ku filian, Elyakim, Kilkya at baguama.

Isayas 36:3

Ay Elyakim, Kilkya at baguama, tagfunan sis fun at bale, ay Sebna fag tagalaga salapi, ay Ua, Asaf at baguama, tagalaga ngay rirukan sit fagfagtainanan nanamablang anya fagayu.

Isayas 37:14

Esekyas nu nabul rirukan siginan kafag ngay tagfosuk, kanya natap, ay nalao sas Yawi at bale ay narafad kafag rirukan sis Yawi at daga salubangan.

Isayas 37:21

Sanya ginan, Isayas, Amus at baguama nafosuk sik longan sas Esekyas te, “Yawi, Israel at Dius glong te, ‘Nadungug au am darangin sabaliwas Senakerib, Asirya at fun.

Isayas 38:1

Ginanya, Esekyas anke fakasaitun ay arvs anbul wan. Ay Dius at taglong Isayas, Amus at baguama, nananlag anya ay nalong te, “Yawi nalong wa te, ‘Fadantei yap am ngay kalongan aroro wa kafia ya am fakasaitun, ay umbul wo.’ ”

Uel 1:13

Am fag ngay tagfon fanggalangun tagfakamulun si ku Dius at bale, suluni ngay saku ay waywayi maksvn fagngabak yabi aroro namin wan ngay rawvg fangawat fanlangu laman fanggalangun sa ay Dius.