Isayas 32:7 - Fanawbuid tagsibaliwas Fakayabian

⁷ Ngay tagfandaya at ngay balyawvtan wa masine. Kanya fagayu gfalganan gugat at mauri sat yud e kwa fag ngay taw siginan at fakamuaganun, dewa at yud e kwa at fagetun matuyan.

Isayas 32:7 ပူးပေါင်းရင်းမြစ်များ

Alubad. 119:95

At mauri fag ngay taw namalabag angku laman namabul, dewa katanya gamatangan ktua gugat am ngay foyungan.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Isayas 26:10

Dewa o kafanyu at mauri fag ngay taw, wa gugali at masine. Dewa gbanwan magamut sit masine fag ngay taw, gfataglayun yay gugat nu gfakamulun at mauri, ay wa natoglag am fagmabalyananun.

Isayas 29:21

anggan taglong at yud matuyan sabaliwa tiba, anggan takamuagan laman gfaylatan tagwabilug, ay anggan ngay takamuagan tagfatuyan laman at yud e asalanan fag ngay taw wa umke fagmatuyanun.

Isayas 5:23

Wam naubung at ke asalanan fag ngay taw aroro nabul am famayad siginan anya, ay wam gfakamulun at matuyan sat yud e asalanan fag ngay taw.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Isayas 59:15

Anud, fagmatuyanun nalyam wan, ay fagayu tagsaruyan at mauri gafalingunan wan. Ay Yawi nalag takatanya, ay wa guseganan aroro we gfawabilugan ya.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Daniel 12:10

Ngayu bank taw tagsaful at matuyan tagfasine at ngay leleg, ay kanya ban fagayu sumaful ku ngay longan. Dewa katanya, at mauri ban fag ngay taw gfataglayun nu gfakamulun at mauri ay wa ban sumaful ku ngay longan.

Mikas 2:1

Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Mateu 26:4

Ay kafag ngay taw gkamatoan nu setain nu magamat ay mafabul Isus laman ngay taw wa nasaful.