Isayas 32:2 - Fanawbuid tagsibaliwas Fakayabian

² Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 32:2 ပူးပေါင်းရင်းမြစ်များ

Alubad. 143:9

Yawi, falangfei angku siginan ku ngay fawayan, aroro o wan ku fagsarirungan.

Alubad. 32:7

O wan ku fagsuksuanan; gdiri tuo angku sis buknga fagidapun. Ay nafoyung o sa angku ngay alubad sabaliwa nu gfalangfe o.

Alubad. 63:1

Dius, o wan ku Dius. Sas fagdaul ku amatanganan maksvn nu grvbvy au emu, kata at magong fag daga nu gayudan mamam.

Alubad. 91:1

Tiba Tungud fag Dius at mabalyanan, gfae fagbanwanan tua nusnga sinu tagsarig sa anya.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 16:3

Taw Muab nalong sa sangay taw Uda te, “Falui emi em fakamulun. Gubuki emi kata sik fun kayu nu glanbung swabilug menit. Nalagyu wami siginan em furuan, ay katsi wami e bale ya. Fasuksuani emi ay lag gfoyung te, ‘Ste ami.’

Isayas 25:4

O wan tagbalabag at ngay tagafalingunan ay tagfon at nayudanan gina e fagidapun fag buknga. O wan at fagsarirungan gina e fulug ay gina masugba. Aroro at madot fag ngay taw nu kadasug kata sik fulug nu gfalang sas alad,

Isayas 28:17

Kata wayam sik bale ku nainsaful te, o masine wan. Ay gina am gfawabilugan, nasaful au te, wam matuyan. Nu katanya, namalayug au ayu sas fulug ay namalimus sas lugwak ay fakamuaganun ay fagsegun te, mafalangfe ayu.

Isayas 41:18

Namae familugan au mamam sat yud e gtugbung fag ngay buksul, ay namae ngay bulbug au sa sangay datag. Ay at matat fag talun umke mamam, ay at ngay kin-gong fag daga umke ngay bulbug.

Isayas 43:19

aroro katsi saman wan ku fakamulun, wa kata ebi, ay kafasludan wan. O nunda wam glag? Nangawat au sik dalan ay sik ngay bulbug sat magong fag talun.

Isayas 43:20

Fagayu ban mangilafang gfauseganan angku, gasfuan ngay idu talun ay ngay ebo, aroro namae bulbug kban sat magong fag talun, laman ku nafili fag ngay taw e fanginum tua.

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 33:14

Yawi nalong yangay fia te, “Sik menit ban namafasludan au ku nafatuyanan fag fagmasineun sa sangay taw Israel.

Takabalu 4:20

Kanya fagayu nagamat em fun, Yawi at nafili, em fagsegun at namangguna emi sa em fawayan fag ngay talun.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Uan 7:37

Nu ndasug taguyan ay at mafanud fia fag menit ginanya fag fagmafulun, Isus namalindug ay maksvn nu glong te, “Nusnga sinu takadanum akbangi sa angku ay inumi.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

At Nafasure 22:1

Sanya ginan kafag tagbarita nafalag sa angku sik tagfon leleg fag liskung, malyo mandi, gbulbugan siginans Dius ay Tupa Riangan at faglunggungan,